No Milkshake No Life (白田街)

营业中

休息中

好钟意饮奶昔，今日试左呢间， 佢巴奶昔种类有好多，有啲系用Bailey 整，仲有一啲特别口味，花生焦糖味等， 而佢亦会有限定口味， 好似今次就试左佢个限定口味，焙茶味，饮落去真系好焙茶，好有焙茶latte既口味，唔甜，如果爱好甜味奶昔既就未必啱，亦拣左个花生焦糖味奶昔，呢个味就会甜好多，但就好味既，呢度唔止奶昔特别。佢个三文治都值得一试， 好多芝士同埋薯粉有得拣辣味。叫左个芝士磨菇三文治， 佢啲芝士同磨菇加埋厚过块包，仲要趁热食，啲芝士溶晒，好好味，拣左个辣味薯条，系有啲辣粉喺面，如果唔钟意食辣嘅，又超钟意芝士，可以加钱拣芝士薯条，佢系幼嘅薯条。仲点左一个和牛汉堡，呢个就拣左芝士薯条，个包睇落唔算好大，味道未算好惊喜，相比三文治，就三文治特别啲，但钟意食牛既朋友可以点黎试下。而佢个餐牌仲有特别口味既鸡翼，但因为食左个三文治加奶昔都饱，所以食唔落，同埋呢个口味又真系好难想像，钟意试新野既人可以去试下。