貴川風味館

营业中

休息中

今日陪朋友去中旅社攞回乡咭，大家好耐冇见倾左好耐，谂住响附近食埋中午饭先返屋企。一个中意麻辣一个中意酸辣，所以去左唔系离地铁站好远既贵川，见到舖头细细装修普通，所以企响门口睇左餐牌先入去。朋友点麻辣米线，加配肥牛腐竹，肥牛刚熟唔起渣，腐竹冇煮到溶掉，佢话又麻又辣食到条脷痺痺地好爽。我点酸辣米线，米线加配山根猪软骨，猪软骨炆得好淋，山根吸收哂汤，酸酸辣辣感觉好开胃。小食点口水鸡，辣味适中，鸡肉嫩滑，芫茜非常多，好中意捞埋一齐食，份量足够两个人食。约好朋友下次再黎食过。