許留山 (已結業)

自从许留山成为大陆游客的旅游景点之后，价钱有升冇跌，就冇咩点再去许留山食嘢，最多都只会系外卖芒果饮品系列，因为堂食会比大量普通话轰炸比钱买难受！不过近日中午时分经过许留山，可能因为啱啱开铺，未有客人，迅即就同朋友嚟个即兴甜品lunch而且多得店员的介绍，先知今期原来卖紧多芒系列嘅优惠套券，$89一套4张，每张可以换取（堂食）多芒系列嘅甜品，除返开都只系$22.25一个相比起原价$39一个，抵到烂啊印象中呢个优惠套券好似做到3月31号，详细要问返各分店，大家要买就趁快喇！我地拣左多芒西米捞同多芒小丸子，一如以往咁好味虽然系用咗优惠券，但份量都冇少到咖同平时堂食叫$39一个嘅一样size！另外仲食左个咖喱什锦小食，有鱼蛋、鱿鱼须、萝卜、牛柏叶。始终同以前相比系差得远，而家都系用微波炉叮热嘅咖喱，冇以前即煮咖喱咁香口，而且小食嘅份量越嚟越少喇虽然食嘢唔多，但最后埋单每人只需要$40真系好耐冇试过食到一次又舒服又平嘅许留山喇如果你都系曾经对许留山加价加到失控感到失望嘅一份子，不妨趁佢而家有优惠嘅时候享受下，尤其夏天就到，天气开始热，叹返个多芒冻冰冰嘅甜品就最美妙