素食一家 (已結業)

出去同朋友食饭经常大鱼大肉，多肉少菜，所以今次我就提议食素食，同大家清清肠胃。无谂到餐厅面积几大，而且座位宽敞。金莎芦笋苗将芦笋，菇同咸蛋黄一齐炒，炒过嘅芦笋仍然爽脆，整碟菜都充满浓郁既蛋黄香，不过食多几啖我觉得味道咸左少少。鲍片麒麟豆腐最顶层系花菇，之后系素肉，鲍鱼菇同垫底既豆腐，蚝油芡味道浓郁，不过西兰花略嫌太硬，好彩垫底既豆腐口感软滑而且有豆香。围村莲藕饼咬落去食得到莲藕丝，非常爽口，可惜炸粉较厚，而且炸得太油腻。姜茶菊花卖相十分精美既一道甜品，尽显厨师既刀工，把质感软滑既豆腐切成长短一致既菊花状，口感嫩滑，糖水姜味浓郁﹗ 有机可乐比想像中好饮，好过健怡可乐。而且成份天然， 不加防腐剂及无咖啡因。虽然今次既食物唔系全部都令我满意，不过餐厅既服务态度良好，又细心解答我地既问题，希望将来会见到餐厅既改善。