黃金小館

营业中

休息中

放工之後OT到好晏，雖然肚餓但又唔太想食飯，所以去點心鋪簡簡單單食個晚餐。餐廳都幾多街坊嚟食，基本上傳統既點心都有得揀。睇完餐牌決定點蟹籽北菇燒賣皇（＄16）、XO醬鮮蝦菜苗餃 （＄26）、半肥不瘦叉燒腸（＄25）同埋馳名南翔小籠包（＄24）。最先嚟既係叉燒腸，叉燒份量都頗大方，再加入芫荽提味，食落好香。三款點心最鍾意係菜苗餃，成個盒仔咁，加埋XO醬作點綴，賣相精緻~小籠包超多汁，一咬落去爆哂出嚟，食得出係即叫即蒸既。燒賣皮薄餡多，食落好滿足！