黃金小館

营业中

休息中

黎到深水埗呢邊行完之後就搵野食下，深水埗都叫多野食既地方行下行下見到呢間食點心地方就試下啦，見到有套餐 湯加菜加飯係70蚊，所以就叫黎試下啦。叫左個鳳爪排骨飯加送菜同湯。鳳爪排骨飯 ok，上到黎都係熱辣辣而排骨雖然係有d肥，食落去口感林林地，係食得入口的，唔係個種肥到食唔到，不過自己始終比較喜歡啲瘦少少。菜就正常味道，沒有特別既。湯就有幾款口味，呢個雞腳雪耳無花果燉湯都算足料，味道ok.總結黎講，呢一餐算ok既味道，未食過所以就試左呢一次。

飲夜茶😂話說由落深水埗唔想食刺激性食物就諗起食點心😌再次幫襯黃金小館上次唔記得映單今次映埋今次叫個蒸飯套餐有燉湯，油菜同埋蒸飯$68 真心抵到裂開出面一個燉湯都要4x幾啦蝦餃燒賣就叫硬㗎啦😂今次試埋去個虎皮尖椒魚肉厚身好食，唔hea仲有我想讚下雞扎條腐竹好好食茶位$7正常價,但原來佢係冇加一㗎真心抵讚兩條友$242已經食到捧住個肚走有機會嘅大家都係試下啦，支持下小店

當晚叫左8個點心整體全部嘢都滿意全部人手做唔係工場貨牛肉😍燒賣😍蝦餃 😍食得出係手工做既雞扎塊腐竹好香鳳爪多肉骨細鹹水角雀仔做形可愛流沙包濃濃奶黃味👍仲叫咗個蟲草花螺頭炖湯又發掘到一個飲夜茶好地方雖然佢冇靚裝修記嗰個係一間平民嘅茶店但我一定會再去幫襯😌

今早行過北河街，見到有點心小店，於是入去試試，原本只想食點心但見到有幾款蒸飯於叫左個豉汁蒸鱔片飯！由於係即叫即蒸所以都要等15分鐘左右！ 都有5~6舊鱔片(厚片)，飯蒸得軟硬適中啱啱好。 下次會再去加$20叫套餐有燉湯(單叫$50）＋油菜＋白飯送！另叫左個虾多士，厚厚嘅虾肉加上芝麻非常香口！但可能油唔夠熱面包略吸收過多油份！下次一定要試試立長鴨脾反同票子炆鴨反套餐！

看到Openrice的好評 便來一試今次點了 蝦多士/蝦餃/燒賣/鮮蝦菜苗餃/雞仔咸水角/雞扎/春風得意腸蝦多士 正常味道蝦餃 7款點心中最出色，外包比坊間很多點心鋪整得好。燒賣 從來冇食過咁難食既燒賣，沒有蝦味，而且難咬開。這次我連1粒都冇食完，真的很難食。鮮蝦菜苗餃 味道還可，但上菜時已經蒸到過熟，皮都爛了。雞扎 這款傳統點心竟配上粟米芯，更甚的是用上鮮腐皮包著。結果內裏腐皮爛到碎，黏在雞肉上。春得得意腸 很普通的貨色雞仔咸水角一般貨色

近排市況好番好多，大家都多咗出嚟活動、行街，雖然，每日新增確診數字都喺高位橫行，但無阻大家消費，小弟都多咗出嚟買吓嘢，無他嘅，要清一清呢消費券嘛！今晚同老友短聚，佢話好耐無食過點心，就平平嚟，嚟到深水埗嘅「黃金小館」試試，睇佢風評不俗，價位又唔高，位處平民區，我哋兩個麻甩佬又食得夠自在。裝修喺好基本嗰啲，見到餐廳尾位似喺水吧，所以，有啲茶記格局，只喺牆上貼上大張食物相，但勝在夠光猛整潔，而且，地方亦唔細，尤其啲卡位，都好闊落。而幫襯嘅，目測都喺街坊多，同啲阿姐有講有笑，以及有唔少外賣客，相對，生客就少啲。枱面就擺好晒碗、茶杯，而筷子同匙羹就好似啲茶記咁，放晒晌枱側嘅櫃桶，不過，擺得有啲凌亂，哈哈！而食物嘅選擇，唔好諗住好多驚喜嘢，都喺穩打穩紮嘅款式，蒸點、包點、腸粉……等等，不過，亦有啲住家蒸飯、養生燉湯供應，成為唔少街坊嚟食晚飯嘅心水。店內點心，全部都喺即叫即做，茶位收$5一位，無加一！ 酥脆蝦多士 $34脆口嘢，個個都鍾意架啦，所以，先嚟一客香脆甘香嘅蝦多士，件件炸得金黃，沾滿芝麻，入口果然脆到不得了，而且，絕無油膩感，充滿芝麻香之外，蝦膠更喺厚身彈牙，有蝦鮮味！XO醬鮮蝦菜苗餃 

同朋友去鴨寮街買完野，朋友話想食點心，又經開呢間望落幾乾淨既點心餐廳。呢度d點心好平，質素又唔錯，坐位又幾好坐。👍🏻蟹籽北菇燒賣王 ($30)好彈牙，口感十足，用料都好足！紫金醬皇蒸鳳爪 ($22)嗰醬汁做得好出色，好香。調味好好👍🏻蒲江春鮮竹牛肉球 ($20)牛味都幾濃，肉質幾好，配埋喼汁幾爽！潮州蒸粉果 ($18)個皮晶瑩剔透，又唔會厚，入口感覺很好，入面既材料都落得好足下😁上湯韭菜餃子 ($24)個湯好鮮甜，味道都好夾。個外皮又入咬口，不錯！馳名南翔小籠包 ($24)呢個好好食！一爆出黎既汁，可以話係有溶化個心既感覺🤭好juicy, 個皮同d肉都有口感。半肥不瘦叉燒腸 ($25)半肥不瘦既叉燒又真係幾唔錯，叉燒又好味道，小小肥，口感十足👍🏻香噴噴招牌流沙包 ($24)呢個正呀！😍流沙果下覺得超治愈，皮又唔會厚，個餡就幾多，好唔錯！

全部點心都係即叫即蒸，熱辣辣。~~小籠包即叫即蒸，熱辣辣。好多湯，皮好薄，肉味好足。~~春風得意腸好特別，腸粉好滑，有好多配料，包括油炸鬼，蟹籽，粟米，蝦肉。食落層次好豐富。~~雜果沙律春卷呢個好好味，新鮮炸，炸得好脆。食落酸酸地，好開胃。~~千島醬脆皮蘿蔔糕蘿蔔糕好厚，好香蘿蔔味。加埋千島醬，味道好夾。~~蝦餃好好味，蝦餃好足料，好多蝦，蝦好彈牙。皮都好薄。職員服務都好好，會經常幫忙加茶。同埋，冇加一服務費，非常好。

去咗深水埗買電腦💻嘢發現咗呢間點心🧆專門店食物高質抵食🤤又平實，好值得推介一下。入邊裝修有少少🤏懷舊風，有好多卡位🪑好闊落，不過就唔算好大間。我覺得最特別🤩而且必食😋嘅係呢個春風得意腸，佢係用腸粉皮包住🍤海鮮春卷，層次豐富又鮮味🤤！另外呢個百吃不厭🐣雞仔鹹水角都十分之出色👍，造型可愛😍不在話下，外殼香脆餡料鹹香味美🤤，真係百吃不厭。🦀蟹籽北菇燒賣皇亦係水準之作，大大粒又鮮味😋。蒲江春鮮竹🐂牛肉球味道香濃軟滑🥰，加上喼汁提鮮🤩味道更上一層樓！⛵️艇頭三寶煎蘿蔔糕🔥煎得外脆內軟🤤。馳名南翔小籠包入面勁多湯🥣，而且皮薄餡靚，沾少少🤏醋食十分之開胃🥰。香噴噴😍招牌流沙包餡料係好香嘅流沙奶黃🟠，皮又帶麵粉香味🤤，係幾唔錯，不過餡料再多啲就更加🤩正喇！暖身千層薑汁糕🤤質感十分之Q彈🥰，薑汁味香濃，食落好暖胃☺️。

深水埗的高質點心小店點心係香港傳統特色之一細個放學都會比阿媽捉去飲茶雖然嗰陣時覺得食個飯都要等咁耐好鬼悶大咗食得多咗其他嘢就識得學識欣賞點心博大精深嘅地方而家食點心都唔係淨係朝頭早或者喺茶樓同啲公公婆婆嘅專利點心癮起就去咗呢一間係深水埗嘅黃金小館試吓佢哋嘅特色點心佢哋最出名嘅就係黃金流沙包一咬開睇圖都見到啲蛋黃醬係流晒出嚟蛋黃嘅鹹香味道夠仲有少少甜味食落真係覺得好滿足小籠包大大隻皮厚薄適中唔易穿但咬落又唔會覺得好厚皮入邊仲有好多湯汁正鮮蝦腸每條腸粉入邊都有兩隻鮮蝦蝦肉味道都算濃唔錯唔使點豉油都夠味蘆筍鮮蝦餃蝦餃都係大大隻爽口呀皮薄這個可以！然後叫左個蒸飯餐$60有滑雞黑木耳飯滑雞夠哂滑菜一碟加燉湯一碗真係抵食湯多料唔油正！

深水埗一間新開嘅點心專門店所有點心都係即叫即蒸大約20分鐘就有得食早上七點到晚上十點營業暫時好似是收現金點心方面有腸粉蒸包蘿蔔糕仲有好多唔同嘅蒸飯點心今日試呢款係 醬王蒸鳳爪22蚊懷舊四寶雞扎28蚊鳳爪蒸得稍為 唔夠淋 但係個醬汁夠味同埋好夠辣四寶雞扎 雞肉 火腿 魚肚 半條粟米仔下午茶堂食85折 全日外賣可以九折可以打電話提早預訂唔使等點心整體水準相當唔錯平均消費50蚊左右地址位於深水埗北河街159號地下地鐵站行3分鐘

到「高登」更換電腦設備，當然要有高人指點，幫忙給予一點意見，完事後，順道在附近找好吃的，並答謝友人的幫忙。主打點心的「黃金小館」，正合我們心意。這一區特別多平民小店，這家點心專門店也是，環境沒花巧，平平實實，但感覺新簇，看到光顧的大多是附近的街坊老顧客。店員友善有禮，開好了茶，放上點心紙讓我們慢慢看。點心的定價相宜，茶位$5一位，不收加一服務費 ，比上茶家的更划算。平常大多一定會點蝦餃、燒賣，但看到這懷舊點心「懷舊鵪鶉蛋燒賣」（$24）就更想試試。豬肉餡很有鮮味，打得彈牙，包裹着的鵪鶉蛋也很好吃。雖然沒有點蝦餃，但這個「XO醬鮮蝦菜苗餃」（$26）亦很出色，正式是皮薄餡靚，裡面得菜苗很清甜，蝦肉也很鮮，添上XO醬就更惹味。平時不是蝦腸，就是牛肉腸、叉燒腸，揀了「春風得意腸」（$38）就因為覺得有特色，又未試過。腸粉內是包裹了油炸鬼、蟹籽、粟米、蝦肉，口感富層次，很有驚喜。友人喜歡香炸食物，所以再追加這個「酥脆蝦多士」（$34），一客4件，沾滿了芝麻，入口非常之香脆，而蝦肉也下了不少，十分爽口彈牙，更是炸得香口而不膩。選上「百吃不厭雞仔鹹水角」（$22）只是看看造型做得神似沒有，成品又卻

今日一早要去ssp買嘢，十一点幾鐘，肚子開始打鼓，快快手睇下網上有冇好介绍係附近，發現黃金小館有一面倒的good comment，咁就唔好放過去試下啦。店内装修得幾光猛，左右兩邊是卡位，中間有幾排位，坐抵就即時order。✨醎魚肉餅籠仔蒸飯唔使15秒籠仔飯上枱，乜咁快，唔係menu上講的要即蒸嗎🙄？睇下籠飯，一D蒸氣都無，個面啞晒色，乾净净，似係早餐的leftover👎👎👎，片馬鮫魚真的很薄，變晒色，唔似醎魚，亦都沒有醎魚的香味👎，兩件肉餅像凹陷了的柿餅，樣衰衰，唉！唔開胃。✨螺頭花膠豬肉湯這個湯雖然清D, 得一粒螺頭，一片仔花膠，有幾舊㷛湯豬肉，料少是明白的，因為價錢收得平，但是味道卻錯，清甜好飲👍總结一下，環境和服務都ok的，cp值和同類型食店比較唔係咁outstanding的，看見其他枱的點心，相信都唔差，可是個籠仔蒸飯太差勁，咁都可以serve俾個客。

今日行行下好想去食點心喺深水埗見到一間點心舖 於是入去試下一入到去店員友善招呼，馬上幫我落單 我叫咗一壺普洱，雖然係小小嘅茶包店茶味好好我叫咗一個香茜爽滑牛肉腸 即叫即蒸 熱辣辣腸粉嫩滑 而入面嘅牛肉好爽口月半彎筍尖鮮蝦餃即叫即蒸 皮薄餡靚嘩！入面嘅大蝦爽口彈牙 好好味大家不妨一試蟹籽北菇燒賣皇新鮮熱辣 上面有一粒粒脆卜卜嘅蟹子加埋冬菇 仲有幾隻蝦 非常足料 正！百吃不厭雞仔鹹水角嘩！造型好似好得意 真係好似隻雞仔有啲唔捨得食 一咬落去脆卜卜 入面餡料好足 唔會好鹹 真係百吃不厭！

放工去了黃金，之後順便去了附近的點心舖食晚餐，點心款式正常，價錢合理，而且有燉湯飲。蝦餃餃皮很薄，蝦肉新鮮彈牙，還有些爽口的筍。蟹籽燒賣豬肉爽口，不多肥膏，豬肉無豬腥味，非常新鮮。半肥不瘦叉燒腸粉即叫即蒸，表面搽了油，所以有光澤，腸粉皮不會過厚，而且都幾夠滑，中間叉燒半肥瘦，味道不錯。小籠包皮薄多汁，一夾起就爆汁，味道鮮甜。酥脆蝦多士炸至金黃香脆，但絕不油膩，蝦仁彈牙，是必食之選。再加了個蒸飯餐，包原籠蒸飯、燉湯及油菜，都是$60，一個人剛好。窩蛋牛肉飯份量十足，牛肉裏面有馬蹄，口感不錯。蟲草花螺頭燉雞湯鮮甜無比，有住家風味。