agnès b. DÉLICES (已結業)

之前同朋友讲起话我好钟意食甜食，但系好食嘅甜品店真系唔多，今日佢得闲就带我去咗agnes b delices ，系尖沙咀嘅。佢推荐咗一个白朱古力嘅甜品俾我，叫我试一下，白朱古力蛋糕个样睇落好简单，无咩特别，普普通通咁，但系食左先知其实好有料，味蕾都俾佢调动晒，口感同一般嘅白朱古力蛋糕唔同，呢个更加滑口甜腻，岩晒我喇。玫瑰朱古力都好正啫，卖相好靓，仲有几片好似玫瑰花瓣嘅摆系朱古力上面，淡淡嘅玫瑰香味传来，朱古力都系咁甜，同玫瑰香气一搭，清淡中带著浓浓嘅朱古力香，好好味，我咁钟意甜食嘅人都唔可以食太多，价钱虽然比较贵，但系真系好味吖。