Naozen日本料理 (已結業)

本来想去LKF Hotel上面果间日本餐厅食,点知close左...于是行返落去,见到Naozen,又唔算多人, 又有米之莲推介,就入去试试~由于我地未来过, 所以叫他们推介~原本想饮清酒, 但佢地就推介左自家制梅酒比我地! 我地每人叫左杯, 味道好清新, 在这个闷热天气里喝一杯,感觉真好!朋友超爱鱼生, 我地叫左好多! 全部都好新鲜!他们推介左红XX立鱼(唔记得左个名), 超新鲜~ 朋友话5月正是这种鱼的当造期, 比得上在日本食!我地仲要左鲷鱼, 左口鱼, 油金鱼, 连比较少有用来做刺身的池鱼和针鱼都有! 由于池鱼和针鱼好快会鯹所以有好多日本餐厅都唔做呢两种鱼既刺身!而呢度就保持到唔鯹, 证明真系好新鲜!我地无乜叫热食, 因为食鱼生都食到差唔多饱~净系加左炸豆腐, 烧鳗鱼, 烧牛舌同冷面! 炸豆腐 - 好食烧鳗鱼 - 佢话系日本入口, 不过我分唔到有乜分别~ $220有d贵 烧牛舌 - 好难唔好食, 不过佢配上生菜, 可减低油腻的感觉, 很好!!冷面 - 好食, 面条弹牙!唔知食左几钱, 因为朋友在我行开果阵埋单~ 再次多谢友人请食饭~~