波士冰室 (已結業)

香港人最爱食茶餐厅，而且叫常餐亦都是我哋经常会叫的，因为包罗万有，一定会有鸡蛋，面包配个粉面同茶饮一杯，价钱合理，仲有多款食物，心理感觉好抵食。今次嚟到荃湾千色汇嘅“波士冰室”，梗系要来一个十大必食的常餐啦～ 我叫嘅系瑞士鸡翼捞天使面、北海道牛乳炒滑蛋、丹麦多士、餐饮加12蚊配原味冰波冻奶茶。单睇就已经好丰富，味道真系很不错， 瑞士鸡翼非常入味，鸡肉好滑溜， 天使面份量十足，捞埋瑞士汁一起食，好满足呀～丹麦多士酥香松脆，加上奶味浓郁嘅北海道牛奶炒滑蛋，十分好食。原味冰波冻奶茶，有2大粒用奶茶造的冰粒，奶茶香滑，茶味愈饮愈有。朋友叫嘅“ 鸡扒芝士捞出前一丁”仲配埋半份厚多士，好抵食呀～ 鸡扒炸外脆而且很香，芝士味浓烈，出前一丁软硬兼施，好正呀～厚多士都不错，合格架。叫咗杯热的蛋白杏仁茶，够热又有杏仁味，仲有好多鸡蛋白添，非常足料。小食又点少得“黑松露薯条”，全是粗身薯条啖啖薯肉，仲炸到热辣辣而油又不多，沾上黑松露酱 ，美味非常，我好喜欢呀～价钱十分合理，下次必定会再来。