香葉灣 (海濱匯)

营业中

休息中

系牛头角返工，有时都会行过黎海滨𣿬食lunch。今日经过香叶湾，见到menu好多选择，中西式，星马泰，包罗万有，一于试吓。唔使等位直接安排到入座，餐厅座位都几多，不过都好旺场下，眼见有八成满座。我叫咗个冬䕃猪颈肉汤檬粉，整体唔错。冬阴功汤底香浓惹味，辣度适中，檬粉唔会太淋，口感唔错，猪颈肉表皮有啲焦香，肉质唔鞋，除咗猪颈肉，配菜仲有芽菜、豆卜、鱼片同半只烚蛋，算系几足料。加埋杯冻柠水埋单$59，都算系正常lunch价钱。如果一班同事一齐食lunch，都系一个唔错嘅选择，菜式选择够多，可以满足所有人嘅喜好。