素菲亞 (安發大廈) (已結業)

前排去西环做嘢，同朋友去咗呢间纯素餐厅Sofia，午餐嚟食嘅选择都好多。我唔系素食者只系偶尔食清淡，但同店员倾偈之后明白佢哋会好配合素食者嘅需要。盐酥鸡意大利饭 $118朋友一开始唔记得呢间系素食餐厅，仲话啲鸡好正！其实只系素鸡，但系我都觉得几似真嘅鸡㖞！个饭都几creamy，又唔会太咸。呢个系午市套餐，仲有餐汤同沙律。今日嘅汤系杂菜汤，酸酸甜甜味道适中，菜都几多好做料。鬼马肉酱意粉 $98用咗OmiPork好鬼马，素肉酱食落去同平时啲肉酱意粉冇咩分别。新鲜嘅蕃茄令到味道更加丰富。呢个就加$18就有餐汤。鲜果奇趣杯 (+$28)喺用大菜糕做嘅火龙果啫喱，捞埋椰汁几爽口。店员话椰汁唔够可以再加添！青柠荔枝梳打 (+$24)有两粒荔枝可以食埋，抵！佢哋好环保冇提供饮管嘅，我一开始以为之匙羹系饮管吸咗几下，笑死。无糖茉莉花茶无糖茶够健康！茶嘅味道都唔会好淡。