影片
更多
2015-04-23
530 浏览
桃园制作系以茶餐厅经营嘅一间食肆，今年年头喺蓝田启田商场开咗分店，住喺附近嘅又多咗一个方便嘅选择。以茶餐厅嚟讲，呢间店舖嘅环境算唔错。装修十分企理，座位充足，卡位比例高，而且座位宽阔，一路食一路笃机睇报纸都冇问题。间餐厅其中一个特点就系早午晚餐都有唔少选择，所以屋企人点都会拣到自己想食嘅嘢，不过当然唔会样样食物都咁有水准，但始终都会有唔错嘅出品。上汤虾米肉碎银针粉：浸住银针粉嘅汤有颇浓嘅虾米味，但系铺面嘅𩠌除咗菜其他嘅就唔多够。凤爪排骨蒸饭／土鱿肉饼蒸饭：用扁身瓦罉装住，啲饭份量唔多，不过啲𩠌就好够，食到底都几多油。千祈唔好手快快将啲豉油倒晒落啲饭度，会好咸。 家乡咸肉粽：个人钟意绿豆多嘅粽，似乎只粽嘅绿豆份量就满足唔到我嘅要求，不过只粽胜在好香粽叶味同烚得够火候。足料鱼腩粥：碗粥杰挞挞有啲似食紧ＢＢ嘅糊仔，用嚟放粥嘅鲩鱼太细条同用嘅部份比较近鱼尾，所以好多骨，𠮶次碗粥仲好似冇落盐咁淡。 番茄小云耳野菌黄沙猪膶泡饭：个饭用珍珠米造，啲汤够浓同热，食得慢都唔觉得啲汤会变淡同冻，天时冷食食完仲觉得周身暖晒，唔错。 咖喱牛坑腩饭：睇到佢真系用牛坑腩造，不过啲牛腩就唔多够腍，个汁仲过浓
桃园制作系以茶餐厅经营嘅一间食肆，今年年头喺蓝田启田商场开咗分店，住喺附近嘅又多咗一个方便嘅选择。
以茶餐厅嚟讲，呢间店舖嘅环境算唔错。装修十分企理，座位充足，卡位比例高，而且座位宽阔，一路食一路笃机睇报纸都冇问题。间餐厅其中一个特点就系早午晚餐都有唔少选择，所以屋企人点都会拣到自己想食嘅嘢，不过当然唔会样样食物都咁有水准，但始终都会有唔错嘅出品。
上汤虾米肉碎银针粉（早餐）
74 浏览
1 赞好
0 留言
凤爪排骨蒸饭／土鱿肉饼蒸饭
98 浏览
1 赞好
0 留言
家乡咸肉粽
70 浏览
1 赞好
0 留言
足料鱼腩粥
62 浏览
0 赞好
0 留言
番茄小云耳野菌黄沙猪膶泡饭
62 浏览
1 赞好
0 留言
咖喱牛坑腩饭
85 浏览
1 赞好
0 留言
公司三文治
77 浏览
0 赞好
0 留言
不过佢哋嘅服务真系有待改善：
(1)有一次午饭时段叫咗个午餐，个餐𠮶碟饭就嚟食完杯餐茶都未到，咁咪揾个服务员跟单啰，但系等多十分钟都系唔见杯茶出现，见到隔离枱都有同样问题。𠮶日见有时间咪等下啰。终于大大话话由跟单起计催咗四次（唔计落单𠮶次），等咗超过30分钟杯茶先至到，好夸张。
(2)另外一次同老公两个人去食早餐，我个餐都食完，但老公个餐未到，揾服务员跟单先发现原来佢要嘅嘢已经沽清。货品沽清唔系问题，冇人follow up 先至系问题，要个客白等几个字，个早餐时段都几乎过埋，个客就会火都嚟埋。
(3)有个放餐具嘅器皿放喺枱面畀客人自助攞餐具本应系几好嘅安排，可惜啲餐具成日缺货，除咗筷子之外就要乜冇乜，搞到要去借隔离枱𠮶啲嚟用。
张贴
