樂天大喜屋 (已結業)

旺角创兴广场成栋都系美食，而系电梯一上就会见到成层都系乐天大喜屋放题，佢既装修系几特别，分左几个区域咁，自助区同饮品区好似要出左餐厅门口咁，但其实成层都系佢地既。放题黎讲刺身都系个啲，但佢既三文鱼系厚切，叫咗几round都系咁厚，赤虾刺身都几大只。熟食方便，呢间算多选择，试咗几好食嘅有牛舌，鳗鱼，黄金烧蚝，金蒜蓉粉丝蒸扇贝，扇贝系好大只个啲，又粉丝底，几正。泰式咖哩软壳蟹，个咖哩系灵魂所在，好似啲茶餐厅嘅咖喱猪扒饭既咖哩咁，除咗软壳蟹之外仲有两块面包，几好食。香草生油煮鲜大蚬既蚬真系好大只。最后食埋个鲜蟹粥，蟹既份量都几多，粥底都几绵。最后最后要讲讲佢既羊架，唔知点解咁好味，腌得入味之余羊肉又唔好柴，又唔会好肥，自己都encore 左四五次。价钱黎讲$248加一，大部分既放题都系咁上下价，但佢既熟食系几出色。