時代冰室 (已結業)

去到太子，唔知食啲乜嘢嘢，见到呢间茶餐厅几有人气，就决定入去试试。打开餐牌，发现有好多选择，除咗午餐餐牌，仲有激安餐牌，另有三眼仔煎蛋饭、韩式泡菜乌冬，亦有一般茶餐厅选择。搞到心多多既我，一时唔知食边样嘢好。最后，午餐有餐饮送，就决定食两个午餐。鸡翼捞丁，味道普通，即磨咖啡几好饮嘅。双重芝士蕃茄焗饭，块猪扒厚过平时嘅猪扒，有啲似猪鞍架，有啲惊喜，但饭底唔觉得特别多芝士，又无鲜蕃茄、洋葱等配料，比较清寡。好立克有得拣浓啲、少冰、走甜，实在适合我呢啲比较挑剔嘅客人，味道实在冇得弹。整体经验普通，但见到其他人介绍晚市有火锅，另外都有三眼仔煎蛋饭，有机会都想再嚟一次，期待下次有更好表现。