古味坊 (已結業)

古早味蛋糕近年越来越受欢迎，舖头开到成巷成市，浓郁嘅蛋香味加上软绵绵嘅口感，可以话系大人及小朋友嘅至爱，今日嚟到元朗探朋友总唔可以两手空空，见到途中呢间古早味蛋糕舖，一于买黎送礼啦。 同好多古早味蛋糕舖一样，呢度嘅蛋糕有好多款口味，咸嘅甜嘅都有，可以选择买一个/半个或片装，最后买左一个伯爵茶味，另外各买左一小件朱古力味及黑糖味俾朋友两个小朋友。伯爵茶味蛋糕卖相呈淡茶色，相当吸引，蛋糕散发出淡淡茶香味，食落伯爵茶味浓郁，味道唔太甜，口感湿润松软，虽然同朋友只有两个人，但一人半件都觉得唔够喉。朱古力味蛋糕夹有朱古力粒，入口有好香浓嘅朱古力味，味道甜得黎但唔会觉得好腻；黑糖味蛋糕虽然改用黑糖，但味道都唔会觉得好甜，有淡淡黑糖味之余，亦可以食到蛋糕嘅蛋香味，两件蛋糕小朋友都好喜欢。