媽咪隨意屋 (已結業)

途经长沙湾，同朋友见有啲肚饿，就去咗呢间妈咪随意屋食咗个下午茶。我叫咗一个冬阴功猪牛金边粉，个汤底好够味，而且啲料都好足，而且都只系40几蚊一碗，绝对系性价比高，而且我觉得个冬阴功嘅汤底唔会太酸亦都唔会太辣，我自己就几钟意呢种冬阴公嘅味道。至于我朋友就叫咗一个泰式肥牛船粉，呢种船粉据闻系得佢哋先至有，食落就有啲似金边粉嘅味道，但口感其实系相比金边粉系比较粗，同样地，佢啲料都系比较足，唔会得一两块肥牛敷衍你，而且亦都有其他调味料，亦都够晒味。另外佢仲有啲小食，例如串烧，咁我就叫咗一份串烧猪颈肉同埋炸鸡软骨，猪颈肉烧到吹博博，加埋啲沙嗲汁，水准都OK。炸鸡软骨就有好多调味料选择，例如有麻辣，紫菜等等，食客可以因应自己嘅口味调教。