醬缸韓國料理 (已結業)

好耐冇食过韩国嘢，所以今日同朋友拣咗呢间喺湾仔嘅酱缸谂住食一个简单嘅晚饭。 佢哋嘅菜单提供好多选择，可以简简单单食𠮶饭，亦都可以要部队锅或者打边炉。老板娘同员工都几好客， 我哋一坐低佢哋就斟咗茶同递咗三碟伴菜畀我哋。但系如果想再添伴菜就要俾5蚊。我哋一共嗌咗一个牛肉炒粉丝同埋海鲜拌饭。 两碟菜嘅份量都几大，我觉得如果系女仔食嘅话可能三个人share两个饭或者两个面都已经好够。炒粉丝嘅用料非常丰富新鲜，包括有洋葱， 大葱等等。 我觉得美中不足嘅地方就系啲粉丝有啲淋同太咸。而我朋友点嘅海鲜拌饭好足料，但系𠮶卖相同menu上面嘅有啲出入，而且无鸡蛋，所以有少少失望。最后特别想赞下佢哋嘅小菜，尤其系三椒炒草菇，非常入味好食。