北角四眼妹美食屋 (已結業)

今日收工后，突然好想食格仔饼，咁啱畀我发现附近有间试业中嘅小食铺，于是就嚟嗌嘢食，最后拣咗个「抹茶味格仔饼」。等咗无耐，终于收到厚厚嘅格仔饼，抹茶味浓，饼里面搽咗好多牛油、炼奶同花生酱，亦有好多花生碎同白砂糖，又香又甜，啱晒钟意食甜嘢嘅我👍🏻。饼底实净，咬落松脆，口感好好。小食铺食物种类多，除咗不同口味嘅格仔饼同鸡蛋仔，仲有肠粉、烧卖、鱼蛋、猪皮、萝卜、牛肉等小食。下次除咗食鸡蛋仔之外，要试吓花雕醉鸡翼😋。