樂天大喜屋 (已結業)

冇得去日本一段长时间，连出街食日本野嘅机会都少左，今次终于忍吾住约埋朋友去旺角创兴广场嘅乐天大喜屋食餐饱。一坐底争取时间用QR code落单，d野食一落单就好快到。Order左油甘鱼、鲷鱼、蜜汁鲍片、北海道鲜带子、北寄贝、蝾螺、赤贝、甜虾、极品大赤虾，先第一轮扫新鲜刺身。之后熟食有香草牛油煮鲜大蚬、西京烧比目鱼、黄金烧蚝、金蒜蓉粉丝蒸扇贝。蚬肉够肥大又鲜甜，比目鱼肉好嫰滑，烧蚝芝士味浓，扇贝超爽脆且海鲜味重，真系要食。盐烧牛舌及盐烧鸡翼系2款我最钟意嘅烧物，惹味非常。天妇罗虾同埋蟹柳热炙炙，香脆好食，表层炸粉薄，绝不油腻。提提大家，饮品好多而且冇限量供应，最后食埋雪糕雪条，依餐食得好满足。