影片
更多
2018-07-04
56 浏览
铜锣湾可以话就算几夜都好，都会揾到野食，我地9点几先放工，已经好肚饿，就是但揾一间潮州菜打冷食下，对上一次打冷已经系年几前，我都好耐未食过喇~入去望落啲装修几新净，好似岩岩开，几新。我地3个人点左五道菜，样样都好特色，有啲仲要系第一次食架添!打冷又点可以唔系卤水鹅片呢~ 我地叫左一碟卤水鹅片(例)，我地有系鹅片同鹅件中间作决择，因为我地想食到啖啖肉，就拣左鹅片，配上鹅片绝配-白醋! 鹅片下面垫上芽菜。 鹅片切得好薄身，食前点一点白醋，入口有阵阵鹅肉同卤水嘅味道，卤得好入味。芽菜都有卤水嘅味道，又爽口，几好味。打冷必点之一-潮州蚝仔烙，蚝仔份量都唔少，啖啖都会食到蚝仔，蚝仔肉几饱满，蛋饼好松化，唔会食到痂笠笠嘅感觉，炸得几香口，送饭一流。凉拌猪头肉、猪耳，用左淅醋、蒜头、葱等材料凉拌。猪头肉、猪耳好爽口弹牙因为用淅醋凉拌，我地食哂成碟都唔会觉得好滞好腻，而且觉得好开胃，呢度菜制作得几出色。!五仁豆腐，呢道菜式我就系第一次食，我初衫以为佢系咸食，但食落先知原来佢嘅味道系甜，上面嘅系花生碎粒，食落会有浓浓嘅花生味豆腐虽然轻轻炸过，但仍然好嫩滑，几有惊喜嘅一道菜!为左均衡饮食，食左咁多肉，都要
入去望落啲装修几新净，好似岩岩开，几新。
我地3个人点左五道菜，样样都好特色，有啲仲要系第一次食架添!
打冷又点可以唔系卤水鹅片呢~ 我地叫左一碟卤水鹅片(例)，我地有系鹅片同鹅件中间作决择，因为我地想食到啖啖肉，就拣左鹅片，配上鹅片绝配-白醋! 鹅片下面垫上芽菜。
鹅片切得好薄身，食前点一点白醋，入口有阵阵鹅肉同卤水嘅味道，卤得好入味。芽菜都有卤水嘅味道，又爽口，几好味。
打冷必点之一-潮州蚝仔烙，蚝仔份量都唔少，啖啖都会食到蚝仔，蚝仔肉几饱满，蛋饼好松化，唔会食到痂笠笠嘅感觉，炸得几香口，送饭一流。
凉拌猪头肉、猪耳，用左淅醋、蒜头、葱等材料凉拌。猪头肉、猪耳好爽口弹牙
因为用淅醋凉拌，我地食哂成碟都唔会觉得好滞好腻，而且觉得好开胃，呢度菜制作得几出色。!
五仁豆腐，呢道菜式我就系第一次食，我初衫以为佢系咸食，但食落先知原来佢嘅味道系甜，上面嘅系花生碎粒，食落会有浓浓嘅花生味
豆腐虽然轻轻炸过，但仍然好嫩滑，几有惊喜嘅一道菜!
为左均衡饮食，食左咁多肉，都要叫一碟菜心食下，份量都几多，菜心几嫩口，唔会有渣。
最后食埋个潮州绿豆爽
呢个都系第一次食，几清，食到粒粒绿豆，甜甜地，好快就食哂LU~
今次都有几多第一次，证明我真系好唔熟识潮州菜，迟啲都要食多啲，等自己唔好咩都唔识，傻瓜瓜。
张贴
