金東大小廚 (已改名) 查看

夜晚口痕痕，又想揾野食，真系大获🤣。不过死就死喇，医肚紧要丫。早一晚试左间马马地嘅串烧，晏昼又伏左个饭。我个肚真系输唔起喇，所以稳打稳扎，去筲箕湾食个金东大。呢个钟数去到一定唔洗等位，不过就要食快啲，唔好阻人收工。今日叫左3样野食。窝打牛肉煲仔饭：一入门口见到有人食，好香，即刻2仔底，死跟。个肉饼好够厚，上到台局一局，不得了。猪润炒蚬：今日个猪润炒蚬就失色小小，啲猪润切得唔够碎。切碎啲会好味啲。紫菜肉碎豆苗：呢个保持到水准，好味。不过呢个餐牌无，要Chok超必出黎先有，所以贵少少😅。