敏華冰廳 (已結業)

夜晚十点几仲未食饭，见到呢间冰室仲未close, 就入去食个颓饭医饱个肚。冰室来来去去都系食常餐果d, 就试下佢个超大鸡扒饭，点知真系劲大块，成块面咁大，咁当然佢将块扒揼扁左。块鸡扒颜色煎到好金黄，个皮好薄好脆身，肉质好juicy 好嫩滑，味道好重蒜味，估计佢系半煎炸，因为叫左10分钟左右就到左，配上甜豉油加疆蓉捞饭真系一流！饮多杯冻柠茶小甜，茶底浓郁，饮完即刻解油腻。因为餐厅就黎close, 所以d员工都坐系度玩电话等收工，港式茶记黎讲态度还可以接受。