影片
更多
2010-08-27
41 浏览
大约两星期前, 师傅与一班好友齐齐去欣赏由靓仔正哥主演嘅歌舞剧, 而呢套歌舞剧由晚上七点九开骚到十一时先完! 当散场后师傅同一班好友当然系揾地方医肚啦, 于是师傅就叫呢个环头嘅地胆封笔食家"今餐食乜好"带路, 但由于比较夜, 所能选择的食店真的不多, 喺冇得选择嘅情况下黎左呢间食店!一行九人但竟然要分开两枱, 而与师傅同枱就有好友亨利伉俪, 好友食家"乜都放入窿"同埋 “窿之女友”! 坐底后大家都立即睇下有咩好食啦, 师傅望住个餐牌见到写住 “正宗潮州粉”, 于是谂一谂就决定要碗紫菜鱼蛋米同埋冻柠茶; 至于亨利伉俪就一人柯打一碗粉面, 而好友食家"乜都放入窿"同埋 “窿之女友”就拣左卤水蛋, 炸两, 牛脷酥同一碗粉面等啦!由于人多所以等嘅时间亦较内, 而最快登场嘅系卤水蛋, 卤水蛋要左两只, 每只切开左两边, 半只卤水蛋个卖相用一个字足之形容, 就系 “差”, 卤水蛋色水唔靓, 淡淡的卤汁一望埋去就知卤得唔够时间, 味道肯定唔会太吸引, 师傅睇到已经冇兴趣试食喇, 估都估到好食得去边呀! 到师傅碗紫菜鱼蛋米黎到时, 师傅当场打个突, 皆因第一眼望埋下劲似鱼蛋米, d紫菜一条都唔见, 于
一行九人但竟然要分开两枱, 而与师傅同枱就有好友亨利伉俪, 好友食家"乜都放入窿"同埋 “窿之女友”! 坐底后大家都立即睇下有咩好食啦, 师傅望住个餐牌见到写住 “正宗潮州粉”, 于是谂一谂就决定要碗紫菜鱼蛋米同埋冻柠茶; 至于亨利伉俪就一人柯打一碗粉面, 而好友食家"乜都放入窿"同埋 “窿之女友”就拣左卤水蛋, 炸两, 牛脷酥同一碗粉面等啦!
由于人多所以等嘅时间亦较内, 而最快登场嘅系卤水蛋, 卤水蛋要左两只, 每只切开左两边, 半只卤水蛋个卖相用一个字足之形容, 就系 “差”, 卤水蛋色水唔靓, 淡淡的卤汁一望埋去就知卤得唔够时间, 味道肯定唔会太吸引, 师傅睇到已经冇兴趣试食喇, 估都估到好食得去边呀! 到师傅碗紫菜鱼蛋米黎到时, 师傅当场打个突, 皆因第一眼望埋下劲似鱼蛋米, d紫菜一条都唔见, 于是师傅摷下碗底, 先发现有少量紫菜, 喺𠮶一刻师傅先知d紫菜原来咁贵的!
第一啖当然系试下汤底, 味道偏咸而味精亦甚重, 汤底绝不讨好, 而鱼蛋米有四片鱼片三粒鱼蛋, 鱼片又系多过鱼蛋, 由此亦证明鱼蛋系贵过鱼片好多喇, 鱼片爽口但偏咸, 鱼蛋就爽口弹牙, 水准反而不差, 至于米粉亦煮得比较求其, 所以入口都几硬, 绝不好味, 整体而言绝对唔合格! 之后师傅亦忍唔住要试下炸两同牛脷酥, 发觉炸两嘅肠粉唔滑, 油炸鬼就好腍好韧, 唔掂; 而牛脷酥亦冻冷冷, 入口又硬又干, 硬嘅情度拍得住师傅条颈, 干嘅情况亦好比师傅嘅荷包, 妙绝! 而冻柠檬茶就一般, 但环观全场可能系最好味!
总括黎讲食物水准绝对唔合格, 服务态度一般, 环境亦唔算太舒服, 干净度偏低, 而价钱一般啦, 廿几蚊碗粉, 饮埋野三十几蚊啦, 喺师傅角度黎讲就绝对唔抵食喇! 不过夜妈妈冇咩选择, 难得有个地方比你医下肚仲想点? 顺带一提系食饭期间, 有位阿姐不断拖地, 而且漂水味劲重, 真系几影响食欲, 所以一定冇下次, 喊脸系要一比!
张贴
