泰斗 (中達大廈)

营业中

休息中

想食泰菜就二访呢间泰菜，而且每次经过海防道都会见到挂住好大只「泰」字招牌，就系佢地啦！几钟意佢有室内同室外位，室外位仲有好多灯泡装饰，感觉有啲似置身于泰国夜市，气氛一流泰式生虾共有八只，都厚身同大只而且口感弹牙，配埋蒜蓉、辣椒粒同酸酸辣辣嘅酱汁一齐食正呀汁烧鱿鱼筒系原只鱿鱼上，鱿鱼唔会烧得过熟，配上辣酱食，口感唔错同几惹味泰式辣椒膏炒蚬嘅蚬肉都大只同鲜味，而且份量多，用嘅辣椒酱就带点甜味，辣味比较mild ，如果钟意食辣建议嗌另外一只味黑胡椒蚬会比较好泰式椰青海鲜焗饭，用咗椰子壳去装住啲饭，presentation几靓，个饭里面有虾、蚬肉、椰子肉等，食落唔算浓味，清清地带点椰香都唔错，加埋肉松同埋腰果一齐食口感会更好餐厅仲有各款泰式饮品、cocktail、mocktail同啤酒提供，White temple cocktail 卖相几靓，上面只紫色啤啤熊冰粒系用蝶豆花造成，饮品就mix咗荔枝、益力多、白酒、橙汁同桃汁，甜甜地容易入口，而Refresh mocktail 无论卖相同饮落去都几清新，加咗啲cucumber添整体嚟讲几钟意佢哋个环境，有气氛，而且食物味道整体ok同份量算多