影片
更多
2021-09-24
2327 浏览
本身想食多次pici 但相同嘅嘢夜晚确实会比较贵而且星期六夜晚真系好多人排队。。所以再落多层睇吓拣咗食唔洗排队嘅simplylife我就第一次黎呢度见佢有得散买包 咖啡 朱古力图最右手边系包枱人地多数都系比你睇手工意粉佢地就整包( ´▽｀)朋友就话佢地跟餐啲包好好食 所以都会少少期待咁既然系跟餐嘅包当然就嗌返个餐先啦！三个人 叫左一个扒 一个粉 同一个鱼再各加左三十蚊要餐 本来唔想饮个冰茶 但其他野饮就要返正价谂谂吓又觉得咁个餐咪加得好唔抵！( ´▽｀)作为普通嘅平民 好啦都系要佢个冰茶啦。。呢三样基本上系同时到冰茶会跟只不锈钢羹 唔系饮管如有需要可以问佢拎饮管或者走冰方便饮冰茶系百香果茶好淡 第一啖饮觉得清清地都唔错第二啖已经冇味。。 睇色应该有橙汁之类但可能汤个味已经抢左 所以都饮唔出有乜面包一上 朋友见到即刻带返头盔话唔系佢上次食𠮶款( ´▽｀)系啰 望到个样都唔太吸引。。。咬落去 包身都算软嘅但就好难咬开𠮶种 皮都干 似放左一段长时间再切出黎有时作为前菜嘅包会有种包啊碳水化合物嘅香味 但佢冇 所以本身质素唔好 牛油都真系救唔到 餐我地跟哂餐汤 系甘荀汤只底碟冇凹位 摄左张纸巾落
但相同嘅嘢夜晚确实会比较贵
而且星期六夜晚真系好多人排队。。
所以再落多层睇吓
拣咗食唔洗排队嘅simplylife
我就第一次黎呢度
见佢有得散买包 咖啡 朱古力
图最右手边系包枱
人地多数都系比你睇手工意粉
佢地就整包( ´▽｀)
朋友就话佢地跟餐啲包好好食
所以都会少少期待
咁既然系跟餐嘅包
当然就嗌返个餐先啦！
三个人 叫左一个扒 一个粉 同一个鱼
再各加左三十蚊要餐
本来唔想饮个冰茶 但其他野饮就要返正价
谂谂吓又觉得咁个餐咪加得好唔抵！( ´▽｀)
作为普通嘅平民 好啦都系要佢个冰茶啦。。
呢三样基本上系同时到
冰茶会跟只不锈钢羹 唔系饮管
如有需要可以问佢拎饮管或者走冰方便饮
冰茶系百香果茶
好淡 第一啖饮觉得清清地都唔错
第二啖已经冇味。。 睇色应该有橙汁之类
但可能汤个味已经抢左 所以都饮唔出有乜
面包一上 朋友见到即刻带返头盔
话唔系佢上次食𠮶款( ´▽｀)
系啰 望到个样都唔太吸引。。。
咬落去 包身都算软嘅但就好难咬开𠮶种
皮都干 似放左一段长时间再切出黎
有时作为前菜嘅包会有种包啊碳水化合物嘅香味
但佢冇 所以本身质素唔好 牛油都真系救唔到
餐我地跟哂餐汤 系甘荀汤
只底碟冇凹位 摄左张纸巾落去防跣
碗边碟边有抹干净
黑色嘅我估系藜麦 唔会得个橙咁单调
基本外貌上嘅嘢有做返足嘅( ´▽｀)
就唔至于比个包同茶影响埋佢个汤嘅印象
个汤个质地就尚算浓郁嘅
饮落都有返甘荀嘅味道 都算好味嘅
烤蘑菇忌廉汁手制阔条面
$128
22 浏览
0 赞好
0 留言
第一个黎嘅main系阔条面
个味其实系好食嘅
蘑菇忌廉汁唔会太漏 够浓都够咸
但睇到鸡胸系真系比较少 唔系遮左或者点样
面嘅质地都麻麻 淋身左少少似煮耐左或者放耐左
可能平时夜晚会少啲人嗌pasta𠮶类？
但个汁嘅味系真系几好 似蘑菇汤嘅浓缩版
烧黑鳕鱼
$208
21 浏览
0 赞好
0 留言
第二个系黑鳕鱼
佢一上枱就闻到只味 系沙甸鱼罐头打开𠮶种味
唔中意嘅强烈建议叫嘅话走左个酸豆橄榄酱
我冇谂过会有呢种发酵过嘅味道( ´▽｀)
咁我自己抵死姐 我知都有人中意食呢种味
唔系个菜式问题 只系个人喜好唔中意
拨开左佢 个鱼系好食嘅 煎过嘅位置都食得出
鱼皮煎到好香 有鱼油 鱼肉唔干 食落唔腥
配菜系意大利青瓜黄瓜同薯蓉
薯蓉质感偏湿 但重牛油香 食落系好食嘅
烧美国安格斯肉眼扒
$218
26 浏览
0 赞好
0 留言
安格斯牛扒 睇落足秤嘅( ´▽｀)
格仔纹都烧得靓
朋友评价系 切落系软熟嘅 唔会弹刀或者好韧
嗌medium 系真系medium嘅
个汁冇味嘅？ 汁个口感系creamy 嘅
我话牛油 朋友话系忌廉
Menu话系伯纳西汁 即系个黄色系黎自蛋黄啦
哦！ 听讲佢唔系一只应该独立存在嘅汁
因为佢令肉嘅texture同味道都更上一层楼
嗯。。咁唔食牛嘅我就唔评论个汁啦
薯条系脆嘅 偏向内外都系脆
个人比较喜欢外脆内软( ´▽｀)
蕃茄同露荀烘过 食落好正蕃茄一咬就爆汁
露荀够长 阔都接近1cm 唔系cheap鸡𠮶种( ´▽｀)
总结
份量黎讲 对一个成年女性系啱啱好
对男性黎讲可能差少少
每道菜个味道系好嘅 但都有可以做得更好嘅地方
埋单708.4 除3黎讲 坦白讲性价比就比较低
新城市广场免费泊车要700
三个人食完其实都唔一定食到
可以再去买衫之类
点知就咁食已经够
食落个质素大概似人均一百八十啦
题外话 商场最底𠮶层最入面𠮶三间舖
Starbucks /shake shack /simplylife
三间舖都系s字头 ( ´▽｀)
原来都属于同一个集团
张贴
