Hea Ha Hea Ha 居酒屋

营业中

休息中

今晚同朋友放工，佢带我嚟试下呢度居酒屋嘅嘢食，啱啱有bar台位可以坐住睇人地即场烧烤，油烟唔大，但系可以即烧即食，够嗮新鲜！入到去装修简洁，坐得舒服，bar台望入去即场烧嘅串烧附近制作环境良好卫生。店员热情招待，场面好有气氛同好warm。等咗阵，望住佢烧好几串串烧递到你面前，好鬼死香。首先上嘅系热辣辣嘅烧鸡肉串同鸡肾，味道适中唔咸，烧得好鲜美同肉质好滑。呢度嘅烧鸡肾烧得好爽口，钟意食内脏嘅朋友应该试下，作为下酒菜真系一流！两样串烧食落都唔觉油同干，推荐！净串烧梗系唔够喉，听朋友介绍呢度牛肉乌冬正，咁就再叫多个牛肉乌冬，的确系非常好食！牛肉乌冬汤汁浓郁并且唔油腻，牛肉肉嫩多汁不突止份量好多，质量同份量都好过出面好多餐厅，秘制汤底腌过啲牛同好多配菜加埋乌冬，肉同蔬菜配搭食落一啲都唔腻，最后汤都饮埋。呢个牛肉乌冬份量足料，绝对值得一试！最后朋友叫多份牡丹虾刺身一起试，刺身新鲜，味道鲜甜清爽，甘甜作为夜晚嘅结尾。