Pause It (已搬遷) 新店位置

夜晚自己做完嘢行旺角，行到麦花臣球场附近，遇见呢间门面简约嘅餐厅，于是入左去坐。餐牌都系精致嘅食物，睇得出用心供应食物。因为太夜无乜胃口，叫左个三文治，又难得厨房肯整。免治牛肉系唔错，面包面烘得好好。食薯条当然要配上茄汁！我最好奇嘅系呢杯竹炭咖啡，饮落口的确有一种清新嘅感觉。上面嘅拉花好靓，好少可会拉天鹅俾我⋯⋯系好有心机嘅一间咖啡店。上菜果阵就系咁。望住旺角马路上人来人往，我食住个三文治，感觉自己融入左成为橱窗嘅一部份。街上嘅人望入嚟，又唔系真系望住我，呢种感觉都几香港。