大鍋口海鮮火鍋店

营业中

休息中

同男朋友突然间想打边炉，于是拣咗间二百零蚊好似几抵食打算嚟试吓，印象中系我细个嘅时候都几出名嘅任食边炉餐厅。一嚟到梗系拣嘢饮先啦，竹蔗茅根水应该系每日限定，我哋嚟到嘅时候已经得返三支，同埋佢摆喺最低争啲Miss咗佢🤣火锅豉油嘅配料都算齐全，麻酱同埋沙嗲酱都有，应该都满足到大家嘅需求。餐厅首先会上咗个鸡煲先，个人觉得鸡煲份量适中，大概有10件左右，如果人多嘅话食完可以再添加。不过鸡煲预设一定系小辣，可能未必啱啲唔食辣嘅朋友仔。免费嘅汤底选择都有好多，我哋拣咗个特别啲嘅鱼头汤汤底，上到嚟估唔到真系有原个鱼头喺入边好惊喜。每台会送的一碟价值148嘅极品肥牛，啲牛嘅油脂分布平均咬落去完全唔韧。为咗测试吓佢同就咁嗌嘅手切肥牛有咩唔同，所以我哋都系有嗌手切肥牛嚟做比较。手切肥牛嘅感觉比较碎同薄，同埋神奇地两碟牛一碟肥啲一碟就正常，不过都系唔韧嘅牛🙌🏻虾食落去一啲都唔梅，应该真系新鲜嘅。嚟呢度打边炉都食到麻辣鸭血好开心🤭🤭整体感觉店员都几helpful，会主动走埋嚟帮你加汤，见到餐厅都keep住八成满，可能都系佢旺区嘅优势。228嚟讲都抵食过自己喺屋企预备咁多唔同配料。