影片
更多
2021-10-19
568 浏览
今日放假，去左石澳行下，原来村内有不少艳丽的欧式小屋，边行边影，消磨了一整个下午。回程时，有人提议去东大街晚膳。讲起上嚟，都有超过年半冇嚟过东大街，原来「太爷鸡」个位换咗间「笼太子点心」。之前喺柏树街总店帮衬过，点心水准不错，精致又抵食，就一于以夜茶当晚餐。餐厅装潢新颖，以柔和嘅湖水绿为主调，墙身上挂满了食物相片，全部都拍摄得很精美，令人食指大动。点心走偏高级路线，但价钱却十分亲民。好耐冇食过鹌鹑蛋烧卖 ($28)，呢类怀旧点心，近年真系买少见少。烧卖真材实料，粒粒都份量十足，加上面头的鹌鹑蛋，更添丰润，昔日风味盎然。另外呢笼鲜虾烧卖皇 ($15/2只) 亦十分美味，皮薄馅靓，食得出大大粒鲜虾喺入面，饀料扎实，加上可以选两粒或四粒，啱晒心多多，想试多啲唔同款式嘅食客。生煎包就食得多，今次搞搞新意思，试下呢款辣牛肉杂菌煎包 ($29)。牛肉选用了 Impossible Meat，经过自家调味，再加入指天椒。包身入口好软熟，牛肉唔会太辣，加上新鲜杂菌，非常适合爱素食的朋友。原只鲜虾肠 ($29) 虾肠做得相当不错，粉皮晶莹透薄，能清楚见到内里的鲜虾，而且上碟时已切件，方便客人享用。入口
讲起上嚟，都有超过年半冇嚟过东大街，原来「太爷鸡」个位换咗间「笼太子点心」。之前喺柏树街总店帮衬过，点心水准不错，精致又抵食，就一于以夜茶当晚餐。
餐厅装潢新颖，以柔和嘅湖水绿为主调，墙身上挂满了食物相片，全部都拍摄得很精美，令人食指大动。点心走偏高级路线，但价钱却十分亲民。
好耐冇食过鹌鹑蛋烧卖 ($28)，呢类怀旧点心，近年真系买少见少。烧卖真材实料，粒粒都份量十足，加上面头的鹌鹑蛋，更添丰润，昔日风味盎然。
另外呢笼鲜虾烧卖皇 ($15/2只) 亦十分美味，皮薄馅靓，食得出大大粒鲜虾喺入面，饀料扎实，加上可以选两粒或四粒，啱晒心多多，想试多啲唔同款式嘅食客。
生煎包就食得多，今次搞搞新意思，试下呢款辣牛肉杂菌煎包 ($29)。牛肉选用了 Impossible Meat，经过自家调味，再加入指天椒。包身入口好软熟，牛肉唔会太辣，加上新鲜杂菌，非常适合爱素食的朋友。
原只鲜虾肠 ($29) 虾肠做得相当不错，粉皮晶莹透薄，能清楚见到内里的鲜虾，而且上碟时已切件，方便客人享用。入口外皮滑溜，虾肉大只弹牙，豉油味道刚好，不会死咸。
药膳鸡脚 ($23) 用料亦不欺场，鸡脚非常腍滑、肉质唔会过老或太韧，汤底嘅药材味恰好，不苦涩，滋补养生，大人细路都啱饮。
尾声出场嘅北菇滑鸡饭 ($29) 亦交足功课，鸡肉腌得好入味，入口嫩滑有肉汁。冬菇厚肉，而且蒸得够腍，米饭粒粒分明，不会黏在一起，食落爽身不油。
张贴
