大門橫丁串燒手打烏龍麵店 (山東街)

营业中

休息中

夜晚喺旺角等人设计周围行吓睇吓有咩餐厅好食，见到呢间位于转角位嘅日式餐厅，见就见得多，不过咁多年从来未食过，于是走入去试吓。餐牌劲多选择，主打乌冬和串烧，净系串烧都成半本餐牌咁多，有选择困难症嘅就真系弊家伙啦😆 串烧有唔同嘅酱汁配搭，有好多款式，我哋叫咗盐烧鸡皮芦笋、黑松露金菇牛肉卷和芝士秋葵三串，小食就叫咗土佐豆腐和蒜蓉烧贵妃蚌，价钱都唔系平，不过味道不错，鸡皮好香脆，烧贵妃蚌好惹味，但觉得芝士秋葵味道唔系好夹，麻麻哋。主食我哋叫咗推荐菜式嘅沙嗲汤极上牛肉手打乌冬和极上牛肉冷手打乌冬，一冻一热两个人互相试吓，比较下觉得汤乌冬好食好多，沙嗲汤底极之浓和入味，好似火锅汤底咁浓厚！2个人食咗八样嘢埋单四百几蚊，串烧价钱贵咗少少，其他都系正常价钱，餐厅开到凌晨一点，绝对系食宵夜和夜猫嘅选择。