影片
更多
2014-08-20
40 浏览
上环永和街嘅日与夜真喺好唔同，依条如后巷嘅小街，日头熙来攘往，夜晚夜阑人静。今晚走到嚟永和街，目的就只有一个，轻轻松松晌精品咖啡小店Common Grounds尝尝佢嘅西餐嘅滋味。其实小店唔难揾，晌永和街近电车路嘅一边，不过，入夜整条街显得较幽静，其次，店面本身又唔太起眼，所以，先有种隐蔽感。晚市主要供应晚市套餐，所以唔使太费神谂食乜。晚市套餐共有6款选择，包餐汤或沙律，甜品及餐饮，收费视乎所拣嘅主菜而定，价钱由$118-$158，定价都属于相宜。既然叫得小店，地方唔会太大，成个场应该唔过30个位，而门外亦架设咗两张「可吸烟」枱。一室深灰地砖衬白色墙身，粉蓝色胶椅配黑色玻璃枱，加上少少挂画做装饰。虽然觉得少少欠缺个性，但小店希望以食物质素取悦客人，也可以讲喺用不著花太多钱晌装修上。蟹籽田园沙律沙律菜搭蟹籽混入香草油醋汁所做成嘅田园沙律，应该喺几稳阵之作，不过，当中嘅紫生菜有啲烂，味道又有啲苦，否则，可以先带嚟一个清新嘅前菜。鲜茄薯仔忌廉汤橙红色嘅忌廉汤味道唔错，唔太酸，又几有鲜茄酸香，不过，质感略嫌较稀身，所以，画花所落嘅忌廉都化开晒，卖相未够靓仔，相信可以再做好啲。蟹籽忌廉龙脷海鲜卷
晚市主要供应晚市套餐，所以唔使太费神谂食乜。晚市套餐共有6款选择，包餐汤或沙律，甜品及餐饮，收费视乎所拣嘅主菜而定，价钱由$118-$158，定价都属于相宜。
既然叫得小店，地方唔会太大，成个场应该唔过30个位，而门外亦架设咗两张「可吸烟」枱。一室深灰地砖衬白色墙身，粉蓝色胶椅配黑色玻璃枱，加上少少挂画做装饰。虽然觉得少少欠缺个性，但小店希望以食物质素取悦客人，也可以讲喺用不著花太多钱晌装修上。
蟹籽田园沙律沙律菜搭蟹籽混入香草油醋汁所做成嘅田园沙律，应该喺几稳阵之作，不过，当中嘅紫生菜有啲烂，味道又有啲苦，否则，可以先带嚟一个清新嘅前菜。
鲜茄薯仔忌廉汤橙红色嘅忌廉汤味道唔错，唔太酸，又几有鲜茄酸香，不过，质感略嫌较稀身，所以，画花所落嘅忌廉都化开晒，卖相未够靓仔，相信可以再做好啲。
蟹籽忌廉龙脷海鲜卷 $138依道海鲜卷个卖相意外地咁靓，将龙脷柳卷起再直立摆放，好有立体感，加埋配菜及海鲜料，真喺睇落相当吸引。龙脷柳煎得挺香滑唔松散，海鲜包括鱿鱼、鲜虾、蚬肉及青口，味道不过不失，但配以蟹籽忌廉汁，效果倒算不俗。
红酒汁烩牛肋条 $143牛肋条已切成一条条，以红酒汁烩煮，颇为入味，肉质亦都松化；最钟意喺佢个汁，香浓以外，有唔少菇菌，配菜又加埋煎薯角，整体都几好食。
Crispy Chocolate饮品可以点唔同嘅特色餐饮或咖啡，依一杯Crispy Chocolate几特别，朱古力味几浓郁，亦唔过甜，拉花旁加有脆脆朱古力碎，所以，先睇落杯朱古力好似冲得唔平滑。
Iced Caramel Latte一向少饮冻啡嘅小弟，实在难顶外间嘅酷热，所以，其实未嚟主菜，已先点餐饮凉快一下。杯鲜奶咖啡嘅味道都几丰厚，又渗出焦糖香味，将面层嘅忌廉搅匀一下，口感更柔滑。
柠檬奶冻是日甜品喺指定嘅，柠檬奶冻散发著淡淡柠檬清香，感觉清新怡人，不过，一来奶冻面可以无需要加鲜忌廉，二来奶冻个质感太稀，似慕丝多啲。
服务方面，店员都做足基本，温文有礼，只喺奇怪其实今晚客人唔多，但出菜觉得有点慢，或许喺要慢工出细货。
张贴
