Soul9+ (已結業)

一齐共事咗4年嘅好同事离职了，非常不舍得，难得她转到新嘅工作环境，都不忘揾我食饭倾吓偈，当然要请佢食好啲！呢间soul9+，喺正北角站出口，门口却喺系住宅大厦嘅后巷，方便得来又有啲隐秘，真系啱哂我地收工容易去到，又可以享受个清静环境吹吓水。呢日星期一晚人流唔多，餐厅内部装修以蓝色为主调，墙上挂著不同的装饰物衬托破旧木纹的餐桌，带出简单而原始的格调。我地两个女仔，食唔到好多嘢，点了三款食物。黑松露.海胆.鹅肝芝士意大利饭$128率先上碟，点嘅时候真系冇谂过系分开三种口味，真系几有新意，而且三款出嚟嘅效果都唔错。当中我觉得最好嘅系鹅肝，煎得够香脆，软身嘅鹅肝配上烟韧嘅饭口感同味道都一流。白酒橄榄油焗烧春鸡配烧汁薯菜＄128，春鸡嘅size都好大，鸡皮觉得好香脆，薯条都系即炸嘅，除咗鸡胸之外其他部位嘅肉都很滑。原本想叫佢个招牌菜烟熏鸭胸杯，可惜冇得卖，我哋就转左要蟹肉沙律粟米片$88，点知真系相当有惊喜！蟹肉沙律非常足料而且调味刚好，啖啖都有大量新鲜味蟹肉，香草柠檬酱好醒胃，啱哂宜家呢个闷热天气，我同同事都大力推荐呢道必点菜色！😍我地两个养生女生亦都好欣赏西餐厅有红枣蜜饮，养颜又保身嘅选择。