雪村串燒 (已結業)

Item: 雪村串燒
Rating: 3
Author: 奥志雷

Kushiyaki Sesson

3.5

73 食记

味道

环境

服务

卫生

抵食

234

九龙塘

$101-200

日本菜串烧串烧店

奥志雷

等级4

2.1K

今晚同朋友仔食饭，因为佢收到夜，所以拣又一城方便食饭啰。系 internet search 过又一城有咩好日本餐厅，见最有兴趣都系雪村喇。枱上既摆设都好精致㖞，连装豉油、海盐、辣粉既器册都几靓。第一次黎，现在晚上九点半多，雪村收十一点，已经无晒食客了，可以包场，哈哈。厨师推介全部写晒系块板上面，活鱼刺生价钱还可以啦，不过海胆贵得出奇啰。元宵节快乐 ﹗今晚有特别的龙虾套餐，两位只售 HKD680 乍㖞，都几抵。不过睇真啲，只有沙律、刺生、炸物、烧物、龙虾、乌冬、甜品各一款，觉得都系散叫较好，选择多一点。朋友仔仲未收工，我唯有先 study 吓个 menu 啦。刺生、寿司选择都几多，价钱属中上级。奇怪地反而串烧得鸡、猪、蔬菜菇菌，而且较为普通，无咩特别，招牌系雪村串烧㖞，但又唔系主打串烧既？哗 ﹗有和牛刺生呀 ﹗一定要食，正 ﹗八爪鱼刺生都唔系游水生猛、即叫即㓥又识郁𠮶啲既，唔要啦。有白果同生豆腐供应，几得意㖞，海胆炖蛋劲吸引啰。好想 order 个特上刺生盛盒呀 ﹗好多靓野，但两个人食唔食到呢？睇睇吓 menu 突然一阵非常浓烈既漂白水味道飘黎，我仲以为差不多收档开始拖地添，原来 writress 妹妹刚放下热毛巾，漂白水味系由热毛巾黎架㖞 ﹗阵味实在太呛鼻㖞 ﹗漂白水味令人食欲大减，真系要改善一下。味噌萝卜冻食，鲜味无渣，够晒腍，浸得入味又充满水份，连日本葱同吃，鲜甜又带清香。朋友仔仲未到，差不多十点喇，我实在太肚饿，食住前菜顶住先 ﹗冻豆腐沙律配胡麻酱，头盘先黎个沙律先，似乎好新鲜㖞。朋友仔话胃痛，唔食到太多野，唯有唔 order 咁多啦。冻豆腐沙律配胡麻酱，冻豆腐好冰凉又香滑，凉浸浸，感觉爽透，如果配青芥苿汁都唔错。什菜新鲜爽嫩又多汁，配上香甜既胡麻酱就更开胃啦 ﹗牡丹虾刺生，超新鲜，好耐无食过咁新鲜既牡丹虾喇 ﹗肉爽弹而极具黏性，系超新鲜既证据 ﹗味道鲜甜，丰富既虾膏甘香无比，正呀 ﹗三文鱼腩，色泽光亮，颜色吸引，十分肥美，入口香甜嫩滑又无根，食极都唔够呀 ﹗油甘鱼腩，鱼油超级丰富，甜到不得了，鱼肉鲜甜甘香既味道留系口腔中久久不散 ﹗加上即磨鲜山葵，更能提升鱼既鲜味 ﹗特别鲜甜又不呛喉 ﹗海胆军舰，几片巨形海胆刺生，见到已经留晒口水 ﹗闻一闻、索一索，海胆好香呀 ﹗点少少山葵豉油即刻整件啪入口，海胆既甘香跟寿司饭既酸甜非常夹。饭煮得好，干爽咽靭既饭粒，醋香甜而不过酸，好好味呀 ﹗和牛寿司，必食 ﹗质感滑溜有赵口，味道香甜，肉汁又丰富。淡淡新鲜牛肉甜味跟脂肪香味混和，好鬼正 ﹗喜欢配上少少姜蓉及日本葱花就更爽喇 ﹗饭团呎码适中，饭粒干爽而咽靭，醋味香甜又不呛，恰到好处，好满意 ﹗特级吞拿鱼腩，有点失望，红色鱼肉都够甜美又香口，几好啦，不过有点筋㖞。始终粉红色吞拿鱼腩既口感同味道都比红肉好上百倍，粉红色澎湃既鱼油、嫩滑比比既质感 ﹗原条穴子海鳗寿司，鱼肉软滑，可以烧得再香啲，味道不过不失啦，无咩特别，一试无妨。汁烧比目鱼，经常食盐烧鲭鱼、秋刀、三文鱼、油甘鱼有点闷，见到有靓比目鱼即 order 啦 ﹗鱼肉烧得滑溜多汁，雪白有光泽，鱼味清香，好味道 ﹗个汁就比较浓左少少，偏甜左喇。盐烧牛舌，都系厚切既口感同肉汁较出众，依个牛舌都唔差，烧得香，牛舌爽，味道浓，好食。盐烧豚肉蕃茄卷，必食 ﹗估佢唔到两者个味道非常配合，鲜甜多汁既车厘茄配上浓郁肉香既豚肉洒上海盐，撞得精采 ﹗跟串烧既梅子酱及和牛酱，似乎梅子酱更出色。软壳蟹天妇罗，都系有个通病，似炸软壳蟹多过系天妇罗啰。last call 既天妇罗似乎有点硬了 ﹗收档前既炸油比较浑浊啦，炸出黎既颜色偏深，味道有点浊。炸得倘算干爽，软壳蟹香口而且蟹膏非常丰富，整体算合格啦。我要真正既天妇罗啊 ﹗薄薄一层浅黄色既天妇罗包住，只系好似著左件雪纺衫一样，而唔系好似著左盔甲啰 ﹗依家都过左十点半喇，可能如果早啲食的话，品质会更好。