鋿晶館

营业中

休息中

去完旅行返嚟，好挂住中菜点心，夜晚去左屋企附近呢间鋿晶馆过返口瘾。脆萝卜肠粉好有特色，食落馅料似炸油炸鬼咁样但系就有一种薄身脆左嘅口感，食落更加酥香。潮州蒸粉果粉果正宗好味，外皮软糯烟韧，皮又唔会太厚，内里馅料满满，花生，肉碎，马蹄等，满足！鲜虾菜苗饺菜苗饺皮薄馅又靓，蒸得岩岩好，虾食落去新鲜弹牙而且菜苗食落亦都嫩嫩又香，好味流沙奶黄包呢款点心一客有3个，入面流心效果一流，食落奶黄味浓，热辣辣暖笠笠，松软口感，赞！鸡扎鸡扎馅料够多，有蟹柳，鸡肉，芋头同鱼肚。仲用上腐皮包住，少少汤汁食落非常好味道！脆虾多士非常特别，先铺上一层虾胶之后再加上好多芝麻去炸，食落非常之香酥脆，又有啲烟韧咬口。