影片
更多
2023-12-26
442 浏览
圣诞节就当然系要周围去玩，我地去马鞍山玩完之后，游车河路经西沙公路附近，有到依间餐厅，都好似未试过依啲特式小店，所以就决定入去食下嘢啦！(最好仲系可以有得免费泊车…哈哈)依间冰室环境感觉都唔错，室内有几幅各有特色嘅墙画打卡位，而且仲有两只猫猫相伴。除左室内座位，仲可以选择室外，啱晒钟意开扬嘅朋友，如果座室外仲可以带埋宠物一齐嚟添。不过….我地有点怕冻，所以今次就选拣室内，留待下次有机会带埋狗狗嚟先体验室外嘅气氛啦。先嚟杯冻柠蜜同冻柠槟见旁边嘅食客都有叫 红烧乳鸽，我谂都应该系招牌菜，所以我都跟风叫返只。估唔到又真系几好味，乳鸽金黄色嘅外表炸得香脆可口，而啲肉都好入口够Juicy。椒盐鲜鱿都好有惊喜，够镬气之余仲要热辣辣上菜，最重要系个炸粉厚度适中，同个鲜鱿比例好夹，所以唔觉唔觉我都食左好多。之后就嚟一个 西沙小炒王，估唔到佢嘅份量系咁多，除左有大量韭菜花之外，仲有好多惹味嘅鱿鱼同虾干同埋脆卜卜嘅咸鱼仔同腰果，仲有大大旧嘅香烤腩肉片，所以整体上嘅口感都系非常丰富，而且小炒王够镬气之外亦唔系好油腻，调味亦都适中。由于系即叫即煮关系，所以我地嘅 德国脆皮咸猪手 相对地系比较耐先送上。不过都系
依间冰室环境感觉都唔错，室内有几幅各有特色嘅墙画打卡位，而且仲有两只猫猫相伴。
除左室内座位，仲可以选择室外，啱晒钟意开扬嘅朋友，如果座室外仲可以带埋宠物一齐嚟添。
不过….我地有点怕冻，所以今次就选拣室内，留待下次有机会带埋狗狗嚟先体验室外嘅气氛啦。
先嚟杯冻柠蜜同冻柠槟
见旁边嘅食客都有叫 红烧乳鸽，我谂都应该系招牌菜，所以我都跟风叫返只。估唔到又真系几好味，乳鸽金黄色嘅外表炸得香脆可口，而啲肉都好入口够Juicy。
椒盐鲜鱿都好有惊喜，够镬气之余仲要热辣辣上菜，最重要系个炸粉厚度适中，同个鲜鱿比例好夹，所以唔觉唔觉我都食左好多。
之后就嚟一个 西沙小炒王，估唔到佢嘅份量系咁多，除左有大量韭菜花之外，仲有好多惹味嘅鱿鱼同虾干同埋脆卜卜嘅咸鱼仔同腰果，仲有大大旧嘅香烤腩肉片，所以整体上嘅口感都系非常丰富，而且小炒王够镬气之外亦唔系好油腻，调味亦都适中。
由于系即叫即煮关系，所以我地嘅 德国脆皮咸猪手 相对地系比较耐先送上。不过都系值得等待嘅，因为虽然外表看来略为干身，但其实入口个肉质都好Juicy，另外皮层脆卜卜但肉质幼滑，所以食落都好有口感，而且腌嘅味道刚刚好，所以不知不觉间系会一口接一口咁密密食。
最后就嚟一个炒得够干身嘅星洲炒米作为今个晚餐嘅总结。
整体都系唔错嘅，而今餐我发觉最好嘅就唔会边食边饮水，即系食嘢唔会令人好口渴，应该就系啲食物冇乜落味精关系，所以下次再去游车河时可以考虑再嚟呀！
张贴
