影片
以上资料只供参考，请与餐厅确认详情
聖誕節就當然係要周圍去玩，我地去馬鞍山玩完之後，遊車河路經西沙公路附近，有到依間餐廳，都好似未試過依啲特式小店，所以就決定入去食下嘢啦！(最好仲係可以有得免費泊車…哈哈)依間冰室環境感覺都唔錯，室內有幾幅各有特色嘅牆畫打卡位，而且仲有兩隻貓貓相伴。除左室內座位，仲可以選擇室外，啱晒鐘意開揚嘅朋友，如果座室外仲可以帶埋寵物一齊嚟添。不過….我地有點怕凍，所以今次就選揀室內，留待下次有機會帶埋狗狗嚟先體驗室外嘅氣氛啦。先嚟杯凍檸蜜同凍檸檳見旁邊嘅食客都有叫 紅燒乳鴿，我諗都應該係招牌菜，所以我都跟風叫返隻。估唔到又真係幾好味，乳鴿金黃色嘅外表炸得香脆可口，而啲肉都好入口夠Juicy。椒鹽鮮魷都好有驚喜，夠鑊氣之餘仲要熱辣辣上菜，最重要係個炸粉厚度適中，同個鮮魷比例好夾，所以唔覺唔覺我都食左好多。之後就嚟一個 西沙小炒王，估唔到佢嘅份量係咁多，除左有大量韭菜花之外，仲有好多惹味嘅魷魚同蝦乾同埋脆卜卜嘅鹹魚仔同腰果，仲有大大舊嘅香烤腩肉片，所以整體上嘅口感都係非常豐富，而且小炒王夠鑊氣之外亦唔係好油膩，調味亦都適中。由於係即叫即煮關係，所以我地嘅 德國脆皮咸豬手 相對地係比較耐先送上。不過都係值得等待嘅，因為雖然外表看來略為乾身，但其實入口個肉質都好Juicy，另外皮層脆卜卜但肉質幼滑，所以食落都好有口感，而且醃嘅味道剛剛好，所以不知不覺間係會一口接一口咁密密食。最後就嚟一個炒得夠乾身嘅星洲炒米作為今個晚餐嘅總結。整體都係唔錯嘅，而今餐我發覺最好嘅就唔會邊食邊飲水，即係食嘢唔會令人好口渴，應該就係啲食物冇乜落味精關係，所以下次再去遊車河時可以考慮再嚟呀！
继续阅读
放假去咗馬鞍山行山⛰️，行完落山就梗係肚餓啦😅，上網搵吓附近有乜嘢好食，見到呢間，口碑好，離我哋👧🏻🧒🥷唔係好遠，於是就決定行過去開餐🤣$108「西沙小炒王」：材料包括 爽脆嘅蒜心、少少煙靭嘅魷魚鬚、脆脆哋嘅魚乾仔，仲竟然有好多半肥瘦叉燒，炒得非常香口、好味😋$128「豉汁蒸大鱔」：大鱔新鮮肉質鮮甜，加埋蒜頭豆豉一齊蒸，味道更濃郁👍，下邊仲鋪咗一層豆卜，吸收晒大鱔蒜汁，非常惹味🤩$78「蒜蓉炒菜心」：菜心新鮮爽脆，簡單用蒜頭炒已經好味😋$118「薑蔥霸王雞（半隻）」：霸王雞 雞肉肉質嫩滑，幾好雞味，加埋大量薑絲蔥絲喺面，更加香👍$20「香滑奶茶」：真係幾香滑😋
继续阅读
King's Queens Cafe, Hong Kong ; Hong Kong, R King's Queens Cafe offered a regal experience with a casual twist. The moment I stepped into the inviting atmosphere, I knew I was about to embark on a gastronomic journey that would introduce me to an array of unique and exquisite flavors. The Braised Pigeon ; The Braised Pigeon was a true testament to the art of culinary craftsmanship. The dish arrived with a stunning presentation that captured the essence of both elegance and indulgence.The Celery Sea Fish Balls ; The delicate sea flavor of the fish was beautifully enhanced by the crunch of the celery, resulting in a dish that was as light as it was flavorful. The subtle hints of seasoning allowed the natural essence of the ingredients to shine . The Duck Tongue with Abalone Sauce ; The Duck Tongue with Abalone Sauce was a striking example of how the fusion of ingredients can create a symphony of taste. The tender duck tongues were coated in a rich and velvety abalone sauce that brought a touch of opulence to the plate. The Fish Belly with Ginger and Scallion in Casserole ; The Fish Belly with Ginger and Scallion in Casserole exuded comfort and familiarity in every bite. The fish belly was cooked to a melt-in-your-mouth tenderness, and the combination of ginger and scallion lent a fragrant and heartwarming aroma to the dish.
继续阅读
Pet friendly 嘅中菜餐廳真係買少見少！職員對我哋嘅寵物都好友善，相信作為寵物主人，見到其他人鍾意自己嘅寵物，係一件好開心嘅事。▶️食物餐廳日頭提供套餐，例如常餐，飯麵。晚上就有單點中菜。由於想食椒鹽鮮魷（晚市供應），所以問廚房做唔做，餐廳都好好肯做俾我哋。✔️椒鹽鮮魷好夠鑊氣，熱辣辣，炸粉又唔會過厚，唔錯！✔️蝦仁炒蛋飯蛋炒得非常滑，蝦仁好大隻，雖然似係雪藏蝦，但係有蝦味。✖️福建炒飯炒飯底冇乜蛋，芡汁味道淡，有點失望。▶️環境餐廳有兩隻喺籠裏嘅貓，佢哋嘅size算大隻但係喺好狹窄嘅籠裏有d寂寞，尤其見到貓貓都好好動，想撩人玩🥺其實餐廳係支持寵物嘅，可以考慮放啲貓出黎一齊（當然前提係確保佢哋唔會對客人/寵物/貓貓自己造成傷害）。我諗同貓貓一齊用餐，讓寵物之間互相交流，會係一個好好嘅體驗😊
继续阅读
趁放假同哥哥一於去街街，想要有少少郊遊feel ，於是諗到又嚟西沙行下舒展一下筋骨，又可以再嚟呢間茶座，一邊食下野hea 下，一邊同貓貓玩下，真係一樂也。嚟呢庋其實交通非常方便，可以於沙田市中心坐巴士299x，於「泥涌站」落車，然後過對面就係啦。呢間冰室環境確實不錯，超多打卡位。室內有很多各有特色牆畫，增添了不少文藝氣息！除了室內座位，亦可選擇室外，可以吸收一下陽光氣息。店內仲養有兩隻短毛貓，可以同貓店長影下相添。食物方面選擇十分多，我直頭覺得似酒家小廚。除了各款小菜、炒粉麵飯，海鮮類、小食或甚至煲仔菜都有供應。《椒鹽白飯魚》（$98），呢個菜值得一讚，白飯魚炸得鬆脆而不油，椒鹽十分惹味。由於慢慢嘆慢慢食，即使放耐了仍然爽脆可口。《招牌菠蘿咕嚕肉》（$88），好耐無食，所以突然好想食。份量頗多，整體味道ok ，而甜酸味適中。《星洲炒米》（$78），炒得夠乾身，口感很好。不過個人口味喜歡濃郁，如果咖喱香味加多一點就更佳了。最後加埋杯凍奶茶（$18），非常完滿了。 一邊享受美食，一邊沐浴在大自然之中，十分放鬆舒𣈱，確實是假日的一個好去處。
继续阅读