影片
更多
2024-03-11
1562 浏览
观塘街坊又揾到好嘢食啦！！呢间老细跑步经常都经过，但系真系未试过……上次朋友话晚餐抵食夹大件，今晚就同老细嚟试下！听个部长话有几个菜仲未出菜单，问我哋试唔试？？又食唔食最大恶极～一于就试下啦！！🐂水煮安格斯牛柳粒：今日MVP～份量大唔在讲，配料又多，味道一流！！虽然系水煮，但唔会觉得油冧冧，牛柳粒非常软滑，亦都好香牛味。下面仲有宽薯粉、莴笋片、大豆芽同云耳～呢一煲，真系一定要试！！👍🏻👍🏻🐟五柳香煎黄立仓：呢味真系比较少见～黄立仓上枱大大条，仲煎到卜卜脆～十分香口！！个五柳汁酸酸甜甜，有好多酸瓜丝，配埋甘笋丝，十分脆口又惹味！🥰🦐生汁明虾球：虾球大大个，圆碌碌～炸到脆卜卜～裹上薄薄嘅沙律酱，香口得嚟又几清新，上台果阵仲出晒烟添！😋🌿蒜蓉虾酱炒通菜：调味恰当，唔会太咸，虾酱味够香，但系又炒得好嫩～最重要系份量非常多！！😂🥰👍🏻相信佢午饭时间一定座无虚设～因为以今时今日嘅经济状况，星期一晚饭时段，竟然仲返到枱～真系劲！！佢楼上仲有鹊局小菜，真系返工放工一条龙服务呀！！😂😂👍🏻
呢间老细跑步经常都经过，但系真系未试过……上次朋友话晚餐抵食夹大件，今晚就同老细嚟试下！听个部长话有几个菜仲未出菜单，问我哋试唔试？？又食唔食最大恶极～一于就试下啦！！
🐂水煮安格斯牛柳粒：今日MVP～份量大唔在讲，配料又多，味道一流！！虽然系水煮，但唔会觉得油冧冧，牛柳粒非常软滑，亦都好香牛味。下面仲有宽薯粉、莴笋片、大豆芽同云耳～呢一煲，真系一定要试！！👍🏻👍🏻
🐟五柳香煎黄立仓：呢味真系比较少见～黄立仓上枱大大条，仲煎到卜卜脆～十分香口！！个五柳汁酸酸甜甜，有好多酸瓜丝，配埋甘笋丝，十分脆口又惹味！🥰
🦐生汁明虾球：虾球大大个，圆碌碌～炸到脆卜卜～裹上薄薄嘅沙律酱，香口得嚟又几清新，上台果阵仲出晒烟添！😋
🌿蒜蓉虾酱炒通菜：调味恰当，唔会太咸，虾酱味够香，但系又炒得好嫩～最重要系份量非常多！！😂🥰👍🏻
相信佢午饭时间一定座无虚设～因为以今时今日嘅经济状况，星期一晚饭时段，竟然仲返到枱～真系劲！！佢楼上仲有鹊局小菜，真系返工放工一条龙服务呀！！😂😂👍🏻
张贴
