品越越式料理 (遠東金融中心)

营业中

休息中

呢间越菜前身系做星马菜既食肆，装修后我第一次黎。好彩只系等咗15分钟就有位，不过一入到去经理指指我哋坐既位置，我同另两个同事都吓咗声，因为要面壁。唉，唔想再嘥时间等，唯有坐啰。LUNCH TIME时间宝贵，我哋喺门口就已经睇定叫咩食，一坐低就立即落单。眼见待应唔多，经理一脚踢，估唔到D食物都上得快。餐牌本身系迷你春卷捞檬$62，不过呢度可以转汤檬，唔需要加钱。卖相唔错，以同区黎讲份量算多，其他店只系会有3-4旧春卷。碗粉既汤够浓，檬粉亦算滑唔会黏实一旧，而春卷亦炸得够香。香茅猪扒拼越式猪颈肉饭$68，份量一样唔细，𩠌真系比起其他食肆多，猪颈肉味道一般，反而猪扒够肉汁唔会好干。咖哩牛腩饭$72，一上枱我”哗”咗声，用个小锅上，仲要另上一大碗白饭，男同事食唔晒之余，仲话饱到上心口添。虽然3个SET呢个系最贵，但感觉上系最抵。咖哩唔系超辣𠮶种，钟意食小辣既人啱晒，牛腩唔靭，整体黎讲ok。