最掂燒味 (已結業)

家中老豆以前系烧味师傅，做过好多间大大小小的烧味餐厅，由细到大都会等老豆放工后拎啲烧味返屋企俾我地做宵夜！所以我对烧味有一定既要求！但老豆已退休，已经无法再整烧味俾我地食噜！所以得闲我都会周围揾烧味饭食，睇下食唔食到好似我老豆整既味道！黎呢间食系因为朋友介绍既，佢话呢间既叉烧好出名，所以叫佢带我黎试下，睇吓系咪真系咁好食先！朋友叫左双拼饭（叉烧&油鸡），佢既叉烧系瘦叉，切得几厚，唔孤寒。而油鸡既内有胸肉同髀肉，朋友话叉烧调味岩岩好，烧得几香，唔㶶，而鸡肉都厚肉，一啲都唔柴，伴碟既姜蓉都好正，捞饭食一流！店员话腩叉系佢地最出名，一定要试！所以我叫左个烧鹅拼腩叉饭！腩叉系半肥瘦叉烧，每一件都真系见到有一节肥一节肉，但食落一啲都唔油，反而口感好夹！而烧鹅既肉质细嫩，每旧肉都好入味，皆因烧鹅拎去烧前一定要用香料、豉油等材料腌制一段时间后才拎去烧既。坊间有好多间餐厅嘅烧鹅都会腌制得唔均匀，所以啲肉有啲咸有啲又冇味。而呢间呢方面做得几好，味道同我爸整既有几分相似！另外，值得一赞既系，呢度环境唔错，干净企理，地面唔油！店员虽然系麻甩佬，但一啲都唔粗鲁，仲好有礼貌添。而且佢嘅饭量好多，仲有埋汤，男仔食