翡翠拉麵小籠包 (已搬遷) 新店位置

好多时lunch都系食西式set lunch,今日想试下新口味,所以就去左食翡翠拉面去之前听同事讲可以o系G/F print到coupon有free野饮,所以就print埋先上去,好彩自己一个食,都唔使等位就入得去lu!!!见今日冻冻地,所以换左杯热既罗汉果茶!虽然味道略嫌唔够浓,但清清地都几好,总好过有d出面既餐厅得个甜吧.....最钟意就系食担担面,所以今次都叫左!!!嘻.......汤底好杰好香好足料,加上好浓烈既花生味,又有少少辣咁,好好味d面既质地都好有弹性,即使过左一阵都冇畀d汤浸到淋晒!!!!哈哈....虽然食完碗面已经饱饱地,但硬系觉得食上海野一定要食小笼包,所以都order左黎食!!!小笼包个皮唔算好薄,但入面有好多汤, 肉既份量都岩岩好!!不过一个人食四个真系有点饱