麻市滋味館 (已結業)

同朋友好耐无见，大家都刚病好，想食小菜，见呢间小菜睇落唔错，又有海鲜食，一于去试下。1830入座，唔算多人，两个人坐卡位都几舒服，点知坐底无耐全店满座。小菜选择都算多，好多野想食，但病初好唔敢乱叫，😭唯有下次再黎过，叫左几样菜无叫饭。黄金炸豆腐 $42炸得刚好，粉浆薄带有小量芝麻，每粒都系实心，豆腐外脆内软，夹起上黎无松散但又入口即溶既感觉，值得一赞。冰梅鲜肉排 $98新鲜猪肉，配上酸酸甜甜既酱汁，带有梅香，够哂开胃，而且刚好中和左肉既油腻感，食多几件都唔怕，朋友都几钟意。蒜子上汤浸时蔬 $68简左苋菜，份量足够，上汤味道刚好，健康好食。见到有滋味套餐，有海鲜有肉，而且价钱实惠，都叫左个黎食。海鲜孖宝（A) $228蒜茸粉丝蒸扇贝4只粉丝完全吸哂蒜茸同扇贝既鲜味，食落鲜甜，十分惹味。沙巴龙趸一条蒸既火候控制得刚好，肉质鲜嫩，鱼皮滑脱脱，两个女仔食哂条鱼，够哂满足。百忙之中，欣赏侍应态度服务keep住都几好，食完所有菜仲有甜品送添。芒果布甸可按个人喜好加上花奶，布甸甜度适中，朋友更忆起童年味道，最后满足离场。店铺虽然无靓靓既装潢，但整理食物味道唔错，而且服务ok，性价比高，下试再黎😉。