季稻 (已結業)

餐厅环境阔落，装潢充满泰国风格。用餐时间系星期六夜晚六点左右，可能时间仲早，我哋系第一枱客。开头都有啲担心间餐厅冇人食会唔会好伏，但点知愈坐愈多人，咁先放心晒。椰奶鸡汤⁸⁸鸡肉份量十足，肉质嫩滑。鸡汤味浓郁带点酸辣，非常惹味，唔食辣嘅朋友都可以接受到嘅辣度。鸡汤有二人份量同五人份量，我哋两个人叫咗二人份量都非常饱肚。船面（牛）⁶⁸汤底香浓，离远都闻到牛汤嘅香味。配料份量十足，有牛丸、鲜牛肉、肥牛。牛肉肉质鲜嫩爽口，牛味充足。而食船面又点少得炸猪皮，猪皮炸得金黄松脆，浸一浸牛汤食，非常美味。船面大大碗，咁嘅价钱相当抵食。