影片
更多
2015-02-23
7590 浏览
猫兄上星期去完冲绳自驾游, 当然要第1时间出来派手信啦~~~呵呵呵呵... 我嘅红芋批, 你要等我呀)))原本讲笑话去将军澳食嘅, 不过猫兄想食韩国菜, 始终尖沙咀可靠D...今个星期系公司做到虚脱, 为求可以准时放工, 全日开Turbo II, 放工时虚上加虚, 躯壳已不属于我...静静鸡讲比大家听, 我呢, 咁大个人, 第1次行入金巴利街o架咋, 哗!!! 成条都系韩国街, 好犀利呀!!! (又玩大乡里出城, wakakaka)估唔到, 竟然我最早到, 最惨系要企定定排足45分钟... 7点正已经大排长龙... 排队安排混乱吗?!! 嘿, 系"零"安排... 我到达时已经有2帮人在店外流连, 我入店内向店员表示4位, 佢叫我出去等, 大家要注意, 无登记过的... 出返店外, 唯有问企系店外的女士系咪等紧位, 佢答系, 咁我就企系佢后面(如图)... 重点... 跟住有个女仔走入店内等, 死都唔肯走返出来, 被赶出来时竟然栋系我前面个女士前面, 即相中白柱位, 哗!!!!!! 咁仲成世界嘅!!! 著到身光颈靓, 学人打尖!!! 排第一个女士竟然唔出声, 咩人o黎o架?!! 我忍唔住
猫兄上星期去完冲绳自驾游, 当然要第1时间出来派手信啦~~~呵呵呵呵... 我嘅红芋批, 你要等我呀)))
原本讲笑话去将军澳食嘅, 不过猫兄想食韩国菜, 始终尖沙咀可靠D...
今个星期系公司做到虚脱, 为求可以准时放工, 全日开Turbo II, 放工时虚上加虚, 躯壳已不属于我...
静静鸡讲比大家听, 我呢, 咁大个人, 第1次行入金巴利街o架咋, 哗!!! 成条都系韩国街, 好犀利呀!!! (又玩大乡里出城, wakakaka)
估唔到, 竟然我最早到, 最惨系要企定定排足45分钟... 7点正已经大排长龙...
排队安排混乱吗?!! 嘿, 系"零"安排... 我到达时已经有2帮人在店外流连, 我入店内向店员表示4位, 佢叫我出去等, 大家要注意, 无登记过的... 出返店外, 唯有问企系店外的女士系咪等紧位, 佢答系, 咁我就企系佢后面(如图)... 重点... 跟住有个女仔走入店内等, 死都唔肯走返出来, 被赶出来时竟然栋系我前面个女士前面, 即相中白柱位, 哗!!!!!! 咁仲成世界嘅!!! 著到身光颈靓, 学人打尖!!! 排第一个女士竟然唔出声, 咩人o黎o架?!! 我忍唔住同个女仔讲"我地排紧", 佢答"我唔知㖞, 店员同我讲有位", 我话"我头先都入过去, 店员叫我企系门口等", 之后个女仔都有无奈去后面排队... 其实店员系有问题, 不过佢都无可能行出来问都唔问就插系队头, 有蓄意打尖之嫌...
事情摆平后, 猫兄及龙妈终于来到... 我指住门口张通告同佢地讲, 呢度话有第2间分店, 行3分钟就到... 排第1的女士发现新大陆, 急急同朋友转地步... 我地就傻更更咁继续等... 而家写Blog时开始有D后悔唔转地步, 因为终于发现幸福中心2nd店原来大好多靓好多, 前菜款式都正好多...
多得猫兄分享冲绳趣闻, 转眼间就等咗45分钟, 终于可以入座...
店内只有5张4人枱, 半边梳化半边木圆櫈... 枱与枱之间的距离大家有眼见啦, 张相都已经影咗大半间铺嘅喇... 店员会放低壶唔暖唔冻的水比大家自己斟...
红芋批, 红芋批, 呵呵呵呵... 猫兄, 我爱你...
为咗大家可以一直丧饮丧食落去, 饮杯胜嘅!!!
韩式梨子粒果汁 / 韩式葡萄粒果汁 / 米粒汁 $15
-- 好细罐, 好甜, 好好饮... 离开时KaKaMa系隔离间士多上咗好多货...
前菜
-- 卖相不佳, 味道是勉强合格的, 不难吃... 右下角外表火辣辣的青瓜同泡菜, 出奇地完全唔辣...
蒸泡菜饺子 / 炸泡菜饺子 (4件) $45
-- 炸泡菜饺子... 胜!!! 蒸泡菜饺子清淡D健康D味道都OK, 但炸泡菜饺子就香脆D, 嘿, 连一向都推崇蒸o野最怕食炸o野嘅我都觉得炸泡菜饺子好味D...
煎泡菜饼 $74
-- 太厚, 又腍又湿, 完全唔脆, 口感欠佳, 味道唔突出但未至于难食...
炒蘑菇猪肉粉丝 $74
-- 腌猪肉好好好味呀, 食到唔停得口, 最正系够厚又少肥膏, 正!!! 炒粉丝都好味, 够香又有弹性...
年糕炆牛肋骨 (2件) $158
-- 炆牛肋骨系全晚最好味的, 香甜软腍, 非常入味, 好味到唔停得口, 正!!! 红萝卜就差咗少少, 完全无炆腍, 见到白萝卜感觉有点奇怪, 年糕都系奇怪组合, OK烟韧但唔入味...
是夜亮点...招牌杂锦泡菜锅 $240
-- 猫兄早年几前已经经常将部队锅挂系口边, 今日终于一试, 大开眼界... Junk Food大本营?!! 我自问长期都有1罐肠仔同1罐午餐肉放系屋企看门口, 真系斋"看", 打10号风球我地都超𨅬去太古城饮茶, 永远唔到过期日都唔会开o黎食, 今日居然要比$240来食, 唔值得... (茄汁豆我就经常食)
味道唔差, 越食越辣, 最后都清晒, 劲!!!
其实系屋企都好易整, 根本都唔系煮, 铺好晒D材料就开火, 滚起就食得, So Easy!!! 材料包括火腿午餐肉、香肠、金菇菜、豆腐、泡菜、杂菜, 下次打风时等我Turn On "地狱厨房Mode"煮比Honey食先, 嘿嘿...
食到呢度, 突然女侍应杀出, 抛低咗句"Five Minutes"... 哗!!! 咩事呀?!! 入座时都无讲过时限... 猫兄话好似限时90分钟, 初时我地自己都以为咁快就个半钟, 点知屈指一算, 只系用咗65分钟, 7:30PM入座, 而家系8:35PM, 喂, 我地食得快少少啫, 仲有2块午餐肉仲未食o架, 洗唔洗咁快赶人走呀?!! 结果我地8:50PM比人清枱埋单... 离开时门外的人龙更恐怖...
店内3位女侍应都非常年青, 快手快脚, 态度不差, 只是没有笑容, 没有凶悍阿猪妈坐镇, 总欠点味道, 嘿嘿, 被虐待狂!!! 侍应们无所事事时, 有2个会坐低休息, 都几家庭Feel...张枱好细, 摆满食物后, 连放低碗筷的空间都无...
9:00PM都未到就要散水, 真系唔惯, 想转场去K11嘅Smile Yogurts, 不过C9级又点会错过餐厅隔离间韩式士多, 一于入去扫荡一番, 发泄一下刚才的郁闷...
张贴
