菲菲麵館 (已結業)

我就嚟要改名做OT姐至得！但辛苦揾嚟自在食，所以每日就算成3点半先食lunch，我都会同同事揾间好味又有特色嘅餐厅，安抚一吓自己个味觉。今日就去到新开，位于观塘The Wave嘅菲菲面馆。可惜我哋太迟嚟，食唔到大热嘅波士顿龙虾系列，但呢到选择够晒多，仲有今期精选面食、酸麻鸡汤米线系列、牛骨浓汤系列、低卡推介同车仔面组合。麻辣火鸡肾火鸡肾爽脆弹牙，口感一流，最重要系辣度够香够惹味，唔会太麻。花菇花胶面哗！哗！哗！两大只花菇，够晒厚身，炆得又腍又入味，而花胶好似唔洗钱咁，份量超多，软滑无腥味，胶质丰富，女仕大爱。特别牛肉河材料有牛筋、牛腩、生牛肉、牛丸同牛柏叶，份量超多，最钟意弹牙爆汁嘅牛丸，同牛味十足嘅牛腩。仲有青柠同辣椒粒调味，钟意食牛嘅朋友必试。