泰潮 (嘉咸街) (已結業)

因为openrice做紧外卖自取，之前食过lunch真系觉得好鬼抵，而且知道质素如何，所以今日收工谂唔到食咩好，就醒起呢度，一于再帮衬！因为疫情应对措施嘅关系，虽然店仔细细，但每枱距离已经拉远左，所以坐满都只会得往日一半嘅客量，而且我嚟到嘅时候系包场。既然冇人，当然拣堂食啦！食得安心丫嘛！😂唔系咩庆祝，所以就拣左最抵食嘅一人套餐，同同事一人拣一款再share。我拣左米芝莲海南鸡饭套餐，鸡都有鸡味唔会淋batbat，饭佢跟返泰式用啲泰国碎米，姜黄味好香，值得得奖嘅。虽然酱汁唔多选择，但钟意佢啲鸡够滑，而且佢个泰式青瓜沙律细细粒好易食，好岩我，又够fresh。同事拣左泰式青咖哩虾球饭，青咖哩个咖哩底椰汁味好香偏甜少少，眼见虾球都好大只，而且超多甜椒，豆角果类蔬菜，好健康，咖哩唔太辣，送饭唔错。泰式酸辣凤爪味道非常之正宗，无骨爽口仲几大份，做开胃小食就非常好。泰式香茅鸡翼秉承泰式炸嘢style，都炸得几出色，但系味道就相对比较普通。椰汁冰嘅椰奶味丰富，用料充足。泰式香茅姜蜜就有丰富嘅herbs味，够natural，加左奇亚籽，又健康左。