影片
更多
2020-04-06
94 浏览
由于疫情关系，出街食饭我都会好小心去拣。今次我去咗旺角兆万的一间火锅站，7点前埋单离座，成人都系$200到就可以食到任食火锅，认真抵食！餐厅的防疫措施做得好足，除了探热同客人均需消毒双手外，更会系入座后系客人面前再次消毒枱面，更用热水再洗洗餐具，见到呢啲措施，就可以安心开餐(⁎⁍̴̛ᴗ⁍̴̛⁎)饮品的选择除了有盒/罐装的果汁汽水茶，仲有自助式的竹蔗茅根。「混酱区」每款酱料都有盖盖好，卫生100分。每枱都会一份海鲜拼盘、顶级牛颈脊及即烧蜜糖串烧。海鲜拼盘有4款海鲜，虾肉厚而且有鲜味；顶级牛颈脊食落牛肉味几香，而且唔系我最怕怕的「过肥肉」。串烧有不过的款式可选，全部拍搽上甜蜜蜜的蜜糖，我推介大家试鸡，烧得香口又保持到原有的嫩。大家都以平板落单，咁就唔怕好似交纸仔咁易漏单啦。我特别钟意店内大部份的食材都有「半份」的选择，最啱好似我呢个眼阔肚窄的大朋友。系咁多配料中，最令我Surprised系呢客即炸金沙咸蛋炸鱼皮！虽然佢的咸蛋唔算好多，但鱼片入口个唔只一般的脆，咬落去个下，佢脆得黎好松化，点埋我点的沙爹汤底，简直系相得益樟！除了附送的牛顶级牛颈脊外，仲有多款不同的肉片可以拣。特别推介大家试佢的肥牛片
餐厅的防疫措施做得好足，除了探热同客人均需消毒双手外，更会系入座后系客人面前再次消毒枱面，更用热水再洗洗餐具，见到呢啲措施，就可以安心开餐(⁎⁍̴̛ᴗ⁍̴̛⁎)
饮品的选择除了有盒/罐装的果汁汽水茶，仲有自助式的竹蔗茅根。「混酱区」每款酱料都有盖盖好，卫生100分。
每枱都会一份海鲜拼盘、顶级牛颈脊及即烧蜜糖串烧。海鲜拼盘有4款海鲜，虾肉厚而且有鲜味；顶级牛颈脊食落牛肉味几香，而且唔系我最怕怕的「过肥肉」。串烧有不过的款式可选，全部拍搽上甜蜜蜜的蜜糖，我推介大家试鸡，烧得香口又保持到原有的嫩。
大家都以平板落单，咁就唔怕好似交纸仔咁易漏单啦。我特别钟意店内大部份的食材都有「半份」的选择，最啱好似我呢个眼阔肚窄的大朋友。
系咁多配料中，最令我Surprised系呢客即炸金沙咸蛋炸鱼皮！虽然佢的咸蛋唔算好多，但鱼片入口个唔只一般的脆，咬落去个下，佢脆得黎好松化，点埋我点的沙爹汤底，简直系相得益樟！
除了附送的牛顶级牛颈脊外，仲有多款不同的肉片可以拣。特别推介大家试佢的肥牛片，佢的肥度适中，有肉香之余又有点油香伴随住。另外，黑毛猪腩片食落都好爽，入口唔会过份油腻。
虽然我唔多钟意食鱼，不过朋友就大赞脆骨腩真系好爽脆而且唔腥，钟意食鱼的朋友绝不能错过。如果大家钟意食响铃，可以试埋餐厅的紫菜响铃卷，我打过咁多次边炉，都系第一次见。
如果你同我一样钟意食弹牙的野，虾子虾滑及蟹子墨鱼滑系必叫的Item。咬入口个下，个弹力有如乒乓波弹地上返黎般 (笑)
鸭血系我近排火锅的新宠，但我食得好挑剔，一般无讲明产地我系唔会食的。台湾鸭血入口软嫩，而且味道唔腥，不错不错。
整体餐厅的食品都无咩可以挑剔的空间，加上我最Concern的环境，够干净唔会周围湿滑，$200头就可以任食，绝对抵食之选！
==============================
我系一个爱写字爱分享的吃货！如果钟意我分享的，我邀请您订阅我的食评，我会继续与大家继续发掘有咩CP高的冰粮！(敬礼)
张贴
