翠華冰廳 (已結業)

十一点多，好多餐厅都仲未开，行过翠华，见装修几靓，于是入去试下。点了一个A餐，猪扒配薯菜。卖相几吸引餐汤是周打汤，有薯仔粒、洋葱粒、碎椰菜，同埋好似有少少火腿肉碎，不太咸如果可以杰返少少就更好。主菜是煎猪扒，好腍同有肉味竟然有两大块 差点食唔晒。个汁有很多碎本菇，感觉几新鲜同健康。粗薯条好正大大条，热辣辣，但唔油腻，又够薯仔味。而且佢冇落盐，可以自己调校盐的份量，或者伴茄汁食又得。奶茶够浓够滑，可惜我食得太慢，摆冻了，嗅不到茶香顺带一提，门口有面包卖，系自家即埸焗制，现时买二送一，好抵，所以买埋面包，又食又拎