小食堡 (已結業)

之前听过朋友介绍，话呢间位于长沙湾嘅小食店啲炸鸡髀呀，其他炸嘢都好正，今次一于慕名而来试下啲嘢系咪真系咁正先。可能之前网上有人介绍过，今日下昼去都几多人排队。点完嘢食大约等咗15分钟，买咗好多嘢食呀！！ 因为样样都想试，于是买返屋企同屋企人一齐分享。买咗煎酿三宝，有红肠，青椒，矮瓜，仲有炸鱼蛋。d鱼肉好弹下牙，唔会好淋同死实。另外仲嗌咗炸烧卖，炸墨鱼丸。墨鱼丸唔错㖞，入面有墨鱼粒㗎。炸烧卖就炸到个外皮脆卜卜，入面软淋淋，外脆内软。