真秘鍋 (已結業)

一年四季我都钟意打边炉！今日同朋友去咗真秘锅，先知道打边炉真系可以令我大开眼界，佢哋嘅火锅料层出不穷，超多食材款式。汤底方面我拣咗白云玄凤拼山珍百菌，真系好足料啊，成个汤都已经被菌类覆盖，滚起嘅时候忍唔住试咗啖汤，好鲜味。我朋友好钟意食蚝，所以我哋叫咗超大筒蚝，你睇吓只只都有我手掌咁大！非常肥美。海鲜方面仲叫咗桂花蚌，新鲜够爽脆我钟意呀！当然唔少得牛同猪，我即刻点左黑毛猪豚肉，大大碟而且脂肪均匀，布满油花。而且仲叫咗饺子拼盘好啱打卡之用，有多达五六款饺子，切好摆上台后好特别。另外仲叫咗蔬菜拼盘，五颜六色好有营养！我最钟意食嘅秋葵都有喺度。