Fun Fun 串串鍋 (已結業)

今日约咗个非常食得辣嘅大胃王食晚饭，所以我已经估到佢会想食麻辣火锅，揾餐厅时见到依间开张无耐嘅四川串串锅，仲要系限时任食，而且位于旺角，位置都相当方便我哋，就二话不说拣咗佢啦。首先虽然店面唔大，但环境干净，而且食物嘅选择亦都非常多，雪柜入面自取嘅食物非常多选择，各丸类、菜类、肉类以及面嘅种类都好多。饮品同甜品嘅选择都有好多，仲有比较少见嘅饮品拣。而除咗有雪柜摆放嘅食物外，各枱面上都放咗可以拣选其他肉类、海鲜同汤底嘅点菜纸。汤底方面我哋就拣咗中麻辣同胡椒酸菜猪肚汤，麻辣嘅中辣辣度非常够，胡椒酸菜猪肚汤就味道啱啱好，连埋酸菜食好惹味。虽然汤底够味，但餐厅都有好多酱料提供。本人就觉得辣椒牛肉同蕃茜牛肉都好好味。鱿鱼都出色，爽口弹牙。追加配料嘅安格斯牛肉非常出色，我哋都不停encore。最后食返个薯粉同甜品真系非常饱。埋单人均只需要$176.5，通常食依种四川串串麻辣锅都比较贵，依间可以限时任食，又抵食又好味，一定会再黎帮衬。